Ezekiel 43:7 — Compare Translations

Kikuyu (Kĩrĩkanĩro Gĩa Gĩkũyũ)

akĩnjĩĩra atĩrĩ, “Mũrũ wa mũndũ, gĩĩkĩ nĩkĩo gĩtĩ gĩakwa kĩa ũthamaki. Ngũtũũra gũũkũ gatagatĩinĩ ka andũ a Isiraeli, ndũũre ndĩmathamakagĩra tene na tene. Andũ a Isiraeli o na kana athamaki aao matigaacooka gũthaahia rĩĩtwa rĩakwa itheru magĩthaathaiya mĩhianano kana magĩthika ciimba cia athamaki aao kũndũ gũũkũ gũtheru.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Akĩnjĩĩra atĩrĩ, “Mũrũ wa mũndũ, haha nĩho handũ ha gĩtĩ gĩakwa gĩa ũthamaki, o na nĩho handũ ha gũkinyithia makinya makwa. Haha nĩho ngũtũũra ndĩ gatagatĩ-inĩ ka andũ a Isiraeli nginya tene. Nyũmba ya Isiraeli ndĩrĩ hĩndĩ ĩngĩ ĩgaacooka gũthaahia rĩĩtwa rĩakwa itheru, o ene o na kana athamaki ao marĩthaahie na ũndũ wa ũmaraya wao na kũhooya mĩhianano ĩtarĩ muoyo ya athamaki ao kũndũ kwao kũrĩa gũtũũgĩru.

Kikuyu Bible (IBUKU RĨRĨA ITHERU RĨA NGAI)

Nake akĩnjĩra atĩrĩ, Mũrũ wa mũndũ, haha nĩho handũ ha kũigwo gĩtĩ gĩakwa kĩa ũnene, o na handũ ha gũkinyithagia makinya ma magũrũ makwa, na nĩho ngatũũraga ndĩ gatagatĩ-inĩ ga ciana cia Isiraeli tene na tene. Nao andũ a nyũmba ya Isiraeli o ene, o na athamaki ao, matigacoka gũthahia rĩĩtwa rĩakwa itheru na ũndũ wa kũhũra maraya, o na ũndũ wa ciimba cia athamaki ao iria mathikaga matĩri-inĩ mao ma kũndũ gũtũũgĩru.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

akĩnjĩĩra atĩrĩ, “Mũrũ wa mũndũ, gĩĩkĩ nĩkĩo gĩtĩ gĩakwa kĩa ũthamaki. Ngũtũũra gũũkũ gatagatĩinĩ ka andũ a Isiraeli, ndũũre ndĩmathamakagĩra tene na tene. Andũ a Isiraeli o na kana athamaki aao matigaacooka gũthaahia rĩĩtwa rĩakwa itheru magĩthaathaiya mĩhianano kana magĩthika ciimba cia athamaki aao kũndũ gũũkũ gũtheru.