Ezekiel 45:17 — Compare Translations

Kikuyu (Kĩrĩkanĩro Gĩa Gĩkũyũ)

Handũinĩ ha andũ oothe a Isiraeli, mũnene nĩ we ũrĩrutaga indo cia magongoona ma mũtu na ma ndibei, na cia magongoona ma njino. Arĩcirutaga hĩndĩ ya thigũkũ cia karũũgamo ka mweri, mĩthenya ya Thabatũ, na thigũkũ iria ingĩ ciothe njiguanĩre bũrũriinĩ wa Isiraeli. Arĩheanaga indo cia magongoona ma meehia, cia magongoona ma mũtu, ma njino na ma thaayũ nĩguo andũ oothe a Isiraeli mooherwo meehia maao.”

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Mũnene ũcio nĩwe ũkaarutaga maruta ma njino, na maruta ma mũtu, na maruta ma kũnyuuo ciathĩ-inĩ, na Tũrũgamo twa Mweri, na Thabatũ, o na ciathĩ-inĩ ciothe iria njathane cia andũ a nyũmba ya Isiraeli. Nĩakaruta maruta ma mehia, na maruta ma mũtu, na maruta ma njino, na maruta ma ngwatanĩro ma kũhoroheria andũ a nyũmba ya Isiraeli.

Kikuyu Bible (IBUKU RĨRĨA ITHERU RĨA NGAI)

Nake mũnene ũcio nĩwe ũrĩrutaga indo cia mahaki ma njino o na magongona ma mũtu, o na magongona ma indo iria irutagwo cia kũnyuwo, acirutage hĩndĩ ya ciathĩ iria ituĩtwo, o na tũrũgamo-inĩ twa mĩeri, o na mĩthenya ya thabatũ, o na ciathĩ-inĩ ciothe iria njathane cia andũ a nyũmba ya Isiraeli; nĩ kũhaarĩria arĩhaaragĩria igongona rĩa mehia, o na igongona rĩa mũtu, o na mahaki ma njino, o na magongona ma ũiguano, nĩ getha andũ a nyũmba ya Isiraeli mahoroherio namo.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Mũthĩnjĩri Ngai arĩoyaga thakame ĩmwe ya igongoona rĩa meehia akamĩhaka buremu cia mĩrango ya Hekaarũ, na koonainĩ iria inya cia kĩgongoona o na itugĩ cia kĩhingo gĩa kĩhaaro kĩa na thĩiniĩ.