Ezekiel 47:9 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
Kũrĩa guothe rũũĩ rũũrũ rũthereragĩra nĩkũrĩikaragwo nĩ nyamũ na thamaki cia mĩthemba yothe. Rũũĩ rũũrũ nĩrũrĩtũmaga maaĩ ma iria rĩa Cumbĩ mathirwo nĩ cumbĩ maagĩre. Kũrĩa guothe rũrĩhĩtũkagĩra nĩrũrĩkũhotithagia kũgĩa na ciũmbe irĩ muoyo.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
Mĩrumbĩ ya ciũmbe iria irĩ muoyo nĩĩgatũũra muoyo kũrĩa guothe rũũĩ rũu rũgaathereragĩra. Nĩgũkaagĩa thamaki nyingĩ, tondũ maaĩ macio nĩkuo mathereragĩra, magatũma maaĩ macio marĩ na cumbĩ magĩre; nĩ ũndũ ũcio kũrĩa rũũĩ rũu rũthereragĩra, ciũmbe ciothe nĩigatũũra muoyo.
Kikuyu Bible (IBUKU RĨRĨA ITHERU RĨA NGAI)
Na nĩgũgakinya atĩrĩ, atĩ kĩũmbe kĩrĩa gĩothe kĩrĩ muoyo kĩrĩa gĩtambaga kũndũ guothe kũrĩa rũũĩ rũu rũkinyĩte-rĩ, nĩgĩgatũũra muoyo, nakuo nĩgũkagĩa rũitũ rũnene rũa ciũngũyũ, nĩ ũndũ maĩ macio nĩmagakinya kuo, na maĩ ma iria-inĩ mahorio ũrũrũ wamo, nakĩo kĩndũ o gĩothe kĩrĩa gĩgakorũo kĩrĩ kũndũ o guothe kũrĩa rũũĩ rũu rũkinyĩte-rĩ, gĩtũũre muoyo.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
Kũrĩa guothe rũũĩ rũũrũ rũthereragĩra nĩkũrĩikaragwo nĩ nyamũ na thamaki cia mĩthemba yothe. Rũũĩ rũũrũ nĩrũrĩtũmaga maaĩ ma iria rĩa Cumbĩ mathirwo nĩ cumbĩ maagĩre. Kũrĩa guothe rũrĩhĩtũkagĩra nĩrũrĩkũhotithagia kũgĩa na ciũmbe irĩ muoyo.