Ezekiel 48:15 — Compare Translations

Kikuyu (Kĩrĩkanĩro Gĩa Gĩkũyũ)

Gĩcunjĩ kĩu kĩngĩ kĩa mwanya kĩrĩa gĩgaatigara gĩa kiromita ikũmi na igĩrĩ na nuthu kwa igĩrĩ na nuthu, gĩtigaakorwo kĩamũrĩirwo MWATHANI. Gĩkaahũthagĩrwo nĩ ũndũ wa mabataro ma mũingĩ wothe. Mũndũ o wothe no atũũre kuo o na akĩhũthĩre. Nĩgĩgaakorwo na itũũra o gatagatĩ gaakĩo.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

“Gĩcigo kĩrĩa gĩgaatigara kĩa wariĩ wa mĩkono 5,000, na ũraihu wa mĩkono 25,000, gĩgaatuĩka gĩa kũhũthagĩrwo na maũndũ ma itũũra rĩu inene, kĩhũthĩrwo na gwakwo nyũmba cia gũtũũrwo, na ithaka cia ũrĩithio. Itũũra rĩu inene rĩgaakorwo gatagatĩ ga gĩcigo kĩu,

Kikuyu Bible (IBUKU RĨRĨA ITHERU RĨA NGAI)

Nakĩo gĩcigo kĩrĩa gĩgũtigara kĩaramĩte mĩkono ngiri ithano, o kĩu kĩrĩ mbere ya rũare rũu rũa mĩkono ngiri mĩrongo ĩĩrĩ na ĩtano-rĩ, gĩgatuĩka kĩa wĩra wa andũ othe; gĩtuĩke gĩa itũũra rĩa gũtũũrũo nĩ andũ, o na gĩa kũgĩa ithaka cia ũrĩithio, narĩo itũũra rĩu rĩgĩe gatagatĩ gakĩo.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

(21-22) Gĩcunjĩ kĩrĩa gĩgaatigara na mwena wa irathĩro na wa ithũĩro wa gĩthaka kĩrĩa gĩgaakoragwo na Hekaarũ, mĩgũnda ya athĩnjĩri Ngai na ya Alawii, o na itũũra, gĩgaakorwo kĩrĩ kĩa mũnene. Na mwena wa irathĩro gĩgaakinya o mũhakainĩ wa bũrũri wothe wa mwena wa irathĩro, naguo mwena wa ithũĩro gĩgaakinya o iriainĩ rĩa Mediteraneani. Mwena wa na rũgongo gĩkahakana na mũhĩrĩga wa Juda, naguo mwena wa kĩanda kĩhakane na mũhĩrĩga wa Benjamini.