Ezekiel 48:19 — Compare Translations

Kikuyu (Kĩrĩkanĩro Gĩa Gĩkũyũ)

Mũndũ o wothe ũgaakoragwo kũu itũũrainĩ rĩu, arĩ wa mũhĩrĩga o wothe, nĩakaarekagwo arĩme gĩcunjĩ kĩu.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Aruti wĩra acio a itũũra rĩu inene arĩa makaarĩmaga kũu makoima mĩhĩrĩga-inĩ yothe ya Isiraeli.

Kikuyu Bible (IBUKU RĨRĨA ITHERU RĨA NGAI)

Nao andũ acio marutaga wĩra itũũra-inĩ rĩu, moimĩte mĩhĩrĩga-inĩ yothe ya Isiraeli, nĩo magakĩrĩmaga.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

(30-34) Itũũra rĩa Jerusalemu rĩgaakoragwo na ihingo ikũmi na igĩrĩ. Rĩgaakorwo na thingo inya; o rũthingo rũgaakoragwo na ũraihu wa mita ngiri igĩrĩ na magana meerĩ ma mĩrongo ĩtaano (2,250). O rũthingo rũgaakoragwo na ihingo ithatũ; o kĩhingo gĩgeetanio na mũhĩrĩga ũmwe. Ihingo cia rũthingo rwa na rũgongo igeetanio na mĩhĩrĩga ya Reubeni, Juda, na Lawi. Ihingo cia rũthingo rwa na irathĩro igeetanio na Josefu, Benjamini, na Dani. Ihingo cia rũthingo rwa na kĩanda igeetanio na Simeoni, Isakaru, na Zebuluni. Nacio ihingo cia rũthingo rwa na ithũĩro igeetanio na Gadi, Asheri, na Nafutali.