Ezekiel 48:21 — Compare Translations

Kikuyu (Kĩrĩkanĩro Gĩa Gĩkũyũ)

Gĩcunjĩ kĩrĩa gĩgaatigara na mwena wa irathĩro na wa ithũĩro wa gĩthaka kĩrĩa gĩgaakoragwo na Hekaarũ, mĩgũnda ya athĩnjĩri Ngai na ya Alawii, o na itũũra, gĩgaakorwo kĩrĩ kĩa mũnene. Na mwena wa irathĩro gĩgaakinya o mũhakainĩ wa bũrũri wothe wa mwena wa irathĩro, naguo mwena wa ithũĩro gĩgaakinya o iriainĩ rĩa Mediteraneani. Mwena wa na rũgongo gĩkahakana na mũhĩrĩga wa Juda, naguo mwena wa kĩanda kĩhakane na mũhĩrĩga wa Benjamini.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

“Kũndũ kũrĩa gũgaatigara mĩena yeerĩ ya gĩcigo kĩu kĩamũre na gĩthaka gĩa itũũra rĩrĩa inene gũgaatuĩka kwa mũthamaki. Kũndũ kũu gũgaatambũrũka mwena wa irathĩro wa kũrĩa gwathimĩtwo mĩkono 25,000 ya gĩcigo kĩu kĩamũre gũkinye nginya mũhaka-inĩ wa mwena wa irathĩro, naguo mwena wa ithũĩro uume hau haathimĩtwo mĩkono 25,000, gũkinye nginya mũhaka-inĩ wa mwena wa ithũĩro. Icigo icio cierĩ itwaranĩte na ũraihu wa icigo icio ingĩ cia mĩhĩrĩga igaatuĩka cia mũthamaki, nakĩo gĩcunjĩ kĩrĩa kĩamũre, hamwe na handũ-harĩa-haamũre ha hekarũ igaakorwo gatagatĩ ga kũndũ kũu.

Kikuyu Bible (IBUKU RĨRĨA ITHERU RĨA NGAI)

Na rĩrĩ, kũndũ kũrĩa gũtigaru gwakĩo gũgatuĩka kwa mũnene, mwena ũyũ, o na mwena ũrĩa ũngĩ wa handũ hau haamũre harutĩirũo Jehova, na handũ hau hatuĩkĩte ha itũũra, o kũu kwĩikĩtie na mbere ya mũhaka wa mwena wa irathĩro wa kũrĩa gũthimĩtwo mĩkono ngiri mĩrongo ĩĩrĩ na ĩtano gwa kũrĩa kũrutĩirũo Jehova, o na kũu kũngĩ kwĩikĩtie na mbere ya mũhaka wa mwena wa ithũĩro wa kũrĩa gũthimĩtwo mĩkono ngiri mĩrongo ĩĩrĩ na ĩtano, kũu guothe kũringaine na ndware iria ingĩ, nĩkuo gũgatuĩka kwa mũnene, nakĩo gĩcunjĩ kĩu kĩamũre kĩrutĩirũo Jehova, o na handũ hau haamũre ha nyũmba ĩo, gũkagĩa gatagatĩ-inĩ gakuo.