Ezekiel 48:8 — Compare Translations

Kikuyu (Kĩrĩkanĩro Gĩa Gĩkũyũ)

Gĩcunjĩ kĩrĩa gĩkaarũmĩrĩra mĩhĩrĩga ĩyo nĩkwamũrwo gĩkaamũrwo nĩ ũndũ wa mahũthĩro ma mwanya. Gĩgaakorwo kĩrĩ na wariĩ wa kiromita ikũmi na igĩrĩ na nuthu kuuma mwena wa rũgongo kinya mwena wa kĩanda. No rĩĩrĩ, gĩgaakorwo kĩrĩ na ũraihu o ta icunjĩ iria ikaaheeo o mũhĩrĩga, kĩrutĩĩtie mwena wa irathĩro kinya mwena wa ithũĩro. Na rĩĩrĩ, Hekaarũ ĩgaakorwo gĩcunjĩinĩ kĩu.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

“Ningĩ kũhakana na rũgongo rwa Juda kuuma mwena wa irathĩro nginya mwena wa ithũĩro, nĩmũkaruta gĩcigo mũkĩneane gĩtuĩke kĩheo kĩa mwanya. Gĩgaakorwo kĩrĩ na wariĩ wa mĩkono 25,000 kwarama, naguo ũraihu wakĩo ũkaiganana na gĩcigo kĩmwe kĩa iria igaĩirwo mĩhĩrĩga kuuma mwena wa irathĩro nginya mwena wa ithũĩro; naho handũ-harĩa-haamũre hagaakorwo harĩ gatagatĩ ga kĩo.

Kikuyu Bible (IBUKU RĨRĨA ITHERU RĨA NGAI)

Ningĩ kũu kũhakaine na kwa Juda, kuuma mwena wa irathĩro nginya o mwena wa ithũĩro, nĩkuo gũkagĩa rũare rũrĩa mũkarutĩra Jehova, naruo rũgakorũo rũĩ rũa mĩkono ngiri mĩrongo ĩĩrĩ na ĩtano kwarama, na rũkaraiha o ta rũare rũmwe rũa icio ingĩ, ruumĩte mwena wa irathĩro, nginya o mwena wa ithũĩro; naho handũ harĩa haamũre hagaakwo gatagatĩ karuo.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Gĩcunjĩ kĩu kĩamũrĩirwo MWATHANI nĩkĩo kĩrĩa kĩega mũno thĩinĩ wa bũrũri wothe. Gĩtikaanendio kana gĩkũũranio na kĩngĩ o na kana kĩheeo mũndũ ũngĩ o wothe. Nĩ gĩcunjĩ gĩtheru na nĩ kĩa MWATHANI.