Ezra 10:3 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
Rĩu no nginya tũthondeke kĩrĩĩkanĩro mbere ya Ngai witũ atĩ nĩtũkũingata atumia aya tũhikĩĩtie o na ciana ciao. Nĩtũgwĩka ũrĩa wothe, wee na andũ arĩa oothe matĩĩaga maathani ma MWATHANI, mũgũtwatha twĩke. Ningĩ-rĩ, tũgwĩka o ta ũrĩa watho wa Ngai uugĩĩte.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
Na rĩrĩ, nĩtũthondeke kĩrĩkanĩro tũrĩ mbere ya Ngai witũ atĩ nĩtũkũingata andũ-a-nja aya othe na ciana ciao, kũringana na mataaro ma mwathi wakwa, o na mataaro ma arĩa metigĩrĩte maathani ma Ngai witũ. Ũndũ ũyũ nĩwĩkwo kũringana na Watho.
Kikuyu Bible (IBUKU RĨRĨA ITHERU RĨA NGAI)
Tondũ ũcio rekei tũrĩkanĩre na Ngai witũ atĩ tũte andũ-a-nja acio othe tũhikĩtie, o na twana tuothe tũrĩa tũciarĩtwo nĩo, o ta ũrĩa kĩrĩra kĩrĩa tũheetwo nĩwe, mwathi wakwa, gĩtariĩ, o na kĩrĩra kĩa andũ arĩa mekũinaina nĩ ũndũ wa maathani ma Ngai witũ; naguo ũndũ ũcio wĩkwo o ta ũrĩa watho wathanĩtwo.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
Rĩu no nginya tũthondeke kĩrĩĩkanĩro mbere ya Ngai witũ atĩ nĩtũkũingata atumia aya tũhikĩĩtie o na ciana ciao. Nĩtũgwĩka ũrĩa wothe, wee na andũ arĩa oothe matĩĩaga maathani ma MWATHANI, mũgũtwatha twĩke. Ningĩ-rĩ, tũgwĩka o ta ũrĩa watho wa Ngai uugĩĩte.