Ezra 9:1 — Compare Translations

Kikuyu (Kĩrĩkanĩro Gĩa Gĩkũyũ)

Na rĩĩrĩ, maũndũ macio marĩĩkia gwĩkwo-rĩ, atongoria amwe a andũ a Isiraeli magĩũka makĩnjĩĩra atĩ andũ a Isiraeli, athĩnjĩri Ngai, o na Alawii nĩmaaregeete kwĩamũra kuuma kũrĩ andũ a mabũrũri marĩa mahakanĩĩte nao. Nao andũ acio maarĩ Aamoni, Amoabi, Amisiri, Akanaani, Ahiti, Aperizi, Ajebusi, o na Aamori. Nĩgwĩka meekaga maũndũ me magigi o ta o.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Na rĩrĩ, thuutha wa gwĩka maũndũ macio, atongoria magĩũka kũrĩ niĩ, makĩnjĩĩra atĩrĩ, “Andũ a Isiraeli, o hamwe na athĩnjĩri-Ngai na Alawii, matiĩamũranĩtie kuuma kũrĩ andũ arĩa matũrigiicĩirie, na kuuma kũrĩ mĩtugo yao ĩrĩ magigi, ta ĩrĩa ya Akaanani, na Ahiti, na Aperizi, na Ajebusi, na Aamoni, na Amoabi, na Amisiri, na Aamori.

Kikuyu Bible (IBUKU RĨRĨA ITHERU RĨA NGAI)

Na rĩrĩ, maũndũ macio maarĩkia gwĩkwo-rĩ, atongoria magĩ’thengerera, makĩnjĩra ũũ: Atĩrĩrĩ, andũ a Isiraeli, o na athĩnjĩri-Ngai na Alawii, nĩmaregete kwĩamũra methengie harĩ andũ a mabũrũri maya, no nĩ gwĩka mareka maũndũ me thahu o tao, naguo ũguo nĩ ta kuuga maũndũ marĩa mekagwo nĩ Akanaani, na Ahiti, na Aperizi, na Ajebusi, na Aamoni, na Amoabi, na Amisiri, na Aamori.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Na rĩĩrĩ, maũndũ macio marĩĩkia gwĩkwo-rĩ, atongoria amwe a andũ a Isiraeli magĩũka makĩnjĩĩra atĩ andũ a Isiraeli, athĩnjĩri Ngai, o na Alawii nĩmaaregeete kwĩamũra kuuma kũrĩ andũ a mabũrũri marĩa mahakanĩĩte nao. Nao andũ acio maarĩ Aamoni, Amoabi, Amisiri, Akanaani, Ahiti, Aperizi, Ajebusi, o na Aamori. Nĩgwĩka meekaga maũndũ me magigi o ta o.