Ezra 9:7 — Compare Translations

Kikuyu (Kĩrĩkanĩro Gĩa Gĩkũyũ)

Kuuma o hĩndĩ ya maithe maitũ kinyagia rĩu tũtũire o twĩhagia. Na nĩ ũndũ wa meehia macio maitũ, ithuĩ, athamaki, o na athĩnjĩri Ngai aitũ tũkĩneanwo mookoinĩ ma athamaki a ndũũrĩrĩ, nao magĩtũũraga na magĩtũtaha, o na magĩtũnyiita ta mĩgwate magĩthiĩ na ithuĩ. Na ithuĩ tũgĩconorwo mũno, na tũtũire tũconoreetwo o na kinyagia ũũmũũthĩ.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Kuuma matukũ-inĩ ma maithe maitũ ma tene nginya ũmũthĩ, ũũru witũ ũkoretwo ũrĩ mũingĩ. Tondũ wa mehia maitũ, ithuĩ na athamaki aitũ, na athĩnjĩri-Ngai aitũ, tũtũire tũũragagwo na rũhiũ rwa njora, tũgatahwo na tũgatunywo indo ciitũ, na tũgaconorithio guoko-inĩ kwa athamaki a mabũrũri mangĩ, o ta ũrĩa gũtariĩ ũmũthĩ.

Kikuyu Bible (IBUKU RĨRĨA ITHERU RĨA NGAI)

Kuuma o matukũ ma maithe maitũ-rĩ, tũtũire tũkĩragĩrĩria o kwĩhia o nginya ũmũthĩ; na tondũ wa ũũru ũcio witũ nĩkĩo ithuĩ, o na athamaki aitũ, o na athĩnjĩri-Ngai aitũ, twarekereirio tũkĩneanwo moko-inĩ ma athamaki a mabũrũri mangĩ, tũũragwo nĩo na hiũ cia njora, o na tũgwatwo mĩgwate, o na tũtahwo, o na tũconorũo mũno, o ta ũrĩa gũtariĩ mũthenya ũyũ wa ũmũthĩ.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Kuuma o hĩndĩ ya maithe maitũ kinyagia rĩu tũtũire o twĩhagia. Na nĩ ũndũ wa meehia macio maitũ, ithuĩ, athamaki, o na athĩnjĩri Ngai aitũ tũkĩneanwo mookoinĩ ma athamaki a ndũũrĩrĩ, nao magĩtũũraga na magĩtũtaha, o na magĩtũnyiita ta mĩgwate magĩthiĩ na ithuĩ. Na ithuĩ tũgĩconorwo mũno, na tũtũire tũconoreetwo o na kinyagia ũũmũũthĩ.