Isaiah 16:8 — Compare Translations

Kikuyu (Kĩrĩkanĩro Gĩa Gĩkũyũ)

Mĩgũnda ĩrĩa ĩrĩ gũkuhĩ Heshiboni na mĩgũnda ya mĩthabibũ ya Sibimahu, nĩmĩanange. Ndibei ya thabibũ cia mĩgũnda ĩyo ĩratũire ĩtũmaga athamaki a ndũũrĩrĩ matuĩke arĩĩu. Kũrĩ hĩndĩ mĩthabibũ ĩyo yataambĩĩte ĩgakinya o itũũrainĩ rĩa Jazeri. Mwena wa na irathĩro yataambĩĩte ĩkahakana na werũ, naguo mwena wa na ithũĩro yahakanĩĩte na iria rĩa Cumbĩ.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Mĩgũnda ya Heshiboni nĩĩrahooha, o na mĩthabibũ ya Sibima o nayo nĩĩrahooha. Aathani a ndũrĩrĩ nĩmarangĩrĩirie mĩthabibũ ĩrĩa mĩega mũno, ĩrĩa hĩndĩ ĩmwe yakinyĩte Jazeri, na ĩgatheerema yerekeire werũ-inĩ. Thuuna ciayo ciatambĩte igakinya o iria-inĩ.

Kikuyu Bible (IBUKU RĨRĨA ITHERU RĨA NGAI)

Ĩiya-ĩ, amu mĩthabibu ya mĩgũnda ya Heshiboni na ya Sibima nĩ mĩhohu-ĩ! Aathani a ndũrĩrĩ nĩmoinangĩte mĩtĩ yakuo ĩrĩa mĩega; nĩyakinyaga Jazeri, ĩkamera o nginya werũ-inĩ; thuuna ciayo ciaharaganirio ikĩiyũra kũndũ guothe, igĩkinya iria-inĩ rĩrĩa inene.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Mĩgũnda ĩrĩa ĩrĩ gũkuhĩ Heshiboni na mĩgũnda ya mĩthabibũ ya Sibimahu, nĩmĩanange.Ndibei ya thabibũ cia mĩgũnda ĩyo ĩratũire ĩtũmaga athamaki a ndũũrĩrĩ matuĩke arĩĩu.Kũrĩ hĩndĩ mĩthabibũ ĩyo yataambĩĩte ĩgakinya o itũũrainĩ rĩa Jazeri.Mwena wa na irathĩro yataambĩĩte ĩkahakana na werũ, naguo mwena wa na ithũĩro yahakanĩĩte na iria rĩa Cumbĩ.