Isaiah 30:6 — Compare Translations

Kikuyu (Kĩrĩkanĩro Gĩa Gĩkũyũ)

Ĩno nĩ ndũmĩrĩri nditũ ĩkoniĩ nyamũ cia werũ wa mwena wa kĩanda; “Atũmwo maratuĩkanĩria bũrũri wa mathĩĩna na kĩmako, bũrũri ũrĩ mĩrũũthi, nyamũ cia thĩ irĩ na thumu, na ingĩ njũru mũno ikũũmbũka. Makuuithĩĩtie ndigiri na ngamĩĩra indo cia goro, macitwarĩre rũũrĩrĩ rũtangĩhota kũmateithia.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Ĩno nĩyo ndũmĩrĩri nditũ ĩkoniĩ nyamũ cia Negevu: Mabarũthi mao makuuaga ũtonga wao na ndigiri, na igĩĩna ciao magaaciigĩrĩra maguku-inĩ ma ngamĩĩra, magatuĩkanĩria bũrũri wa thĩĩna na wa mĩnyamaro, bũrũri ũrĩ mĩrũũthi ya njamba na ya nga, na nduĩra na nyoka iria ĩticũkaga, macitware bũrũri wa andũ matangĩmaguna o na atĩa.

Kikuyu Bible (IBUKU RĨRĨA ITHERU RĨA NGAI)

Ũhoro mũritũ ũkoniĩ nyamũ cia Mwena wa Gũthini nĩguo ũyũ: Atĩrĩrĩ, nĩ gũkuua makuuaga ũtonga wao maũigĩrĩire mĩgongo ya njaũ cia ndigiri, na indo ciao cia bata magaciigĩrĩra maguku-inĩ ma ngamĩra, magatuĩkania bũrũri wa thĩna na wa ruo, o bũrũri ũrĩa uumaga mĩrũthi ya mũgoma na ya njamba, na nduĩra, o na nyamũ-cia-thĩ ikũhenia ta mwaki na ikombũka na mathagu, macitware kũrĩ andũ arĩa matarĩ ũndũ o na ũrĩkũ mangĩmaguna naguo.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Ĩno nĩ ndũmĩrĩri nditũ ĩkoniĩ nyamũ cia werũ wa mwena wa kĩanda;“Atũmwo maratuĩkanĩria bũrũri wa mathĩĩna na kĩmako, bũrũri ũrĩ mĩrũũthi, nyamũ cia thĩ irĩ na thumu, na ingĩ njũru mũno ikũũmbũka.Makuuithĩĩtie ndigiri na ngamĩĩra indo cia goro, macitwarĩre rũũrĩrĩ rũtangĩhota kũmateithia.