Isaiah 31:4 — Compare Translations

Kikuyu (Kĩrĩkanĩro Gĩa Gĩkũyũ)

MWATHANI aranjĩĩra atĩ, “O ta ũrĩa mũrũũthi, kana kaana kaaguo, ũraramaga ũnyiitĩĩte nyamũ, na ndũmakagio nĩ inegene kana nĩgũkaĩrĩrio rĩrĩa gĩkundi kĩa arĩithi mooka kũũingata, noguo niĩ MWATHANI Mwene Hinya Wothe ngooka ngitĩre kĩrĩma gĩa Zayuni.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Jehova anjĩĩrĩte atĩrĩ: “O ta ũrĩa mũrũũthi ũraramaga, mũrũũthi njamba ũkĩrĩa nyamũ ĩrĩa ũnyiitĩte, na ndũmakagio nĩ mĩgambo ya arĩithi o na mokĩte marĩ gĩkundi kĩnene metĩtwo hamwe nĩguo maũũkĩrĩre, kana wĩtigĩre nĩ ũndũ wa inegene rĩao-rĩ, ũguo noguo Jehova Mwene-Hinya-Wothe agaikũrũka, arũe arĩ kũu Kĩrĩma-inĩ gĩa Zayuni, o na ciambatĩro ciakĩo.

Kikuyu Bible (IBUKU RĨRĨA ITHERU RĨA NGAI)

Nĩ gũkorũo Jehova aranjĩra ũũ: Atĩrĩrĩ, o ta ũrĩa mũrũthi, kana kĩana kĩaguo, ũraramaga ũkĩrĩa nyamũ ĩrĩa ũnyitĩte, na ndũmakio nĩ mĩgambo ya arĩithi, o na mokĩte marĩ kĩrĩndĩ kĩingĩ metanĩte nĩguo maũũkĩrĩre, kana wĩtigĩre nĩ ũndũ wa inegene rĩao-rĩ, ũguo noguo Jehova, Mũnene wa Ita, agaikũrũka ahũranĩre kũu kĩrĩma-inĩ gĩa Zayuni igũrũ, o na gĩthũngũri-inĩ gĩakĩo.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

MWATHANI aranjĩĩra atĩ, “O ta ũrĩa mũrũũthi, kana kaana kaaguo, ũraramaga ũnyiitĩĩte nyamũ, na ndũmakagio nĩ inegene kana nĩgũkaĩrĩrio rĩrĩa gĩkundi kĩa arĩithi mooka kũũingata, noguo niĩ MWATHANI Mwene Hinya Wothe ngooka ngitĩre kĩrĩma gĩa Zayuni.