Isaiah 37:24 — Compare Translations

Kikuyu (Kĩrĩkanĩro Gĩa Gĩkũyũ)

Ũtũmĩĩte ndungata ciaku ciũke ciĩndahĩre ikĩnjĩĩraga atĩ nĩũhooteete irĩma iria ndaaya mũno cia Lebanoni, ũcihooteete ũtũmĩrĩĩte ngaari nyingĩ ciaku cia mbarathi. Ũreraha ũkiugaga nĩũtemeete mĩtarakwa ĩrĩa mĩraihu na mĩthengera ĩrĩa mĩthaka mũno kuo. Ũroiga ũtoonyeete ũgakinya kũrĩa mũtitũ ũtumanĩire mũno.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Ũtũmĩte andũ aku moke marume Jehova. Na ũkoiga atĩrĩ, ‘Nĩ ũndũ wa ngaari ciakwa nyingĩ cia ita, nĩnyambatĩte ngakinya tũcũmbĩrĩ twa irĩma, o kũu igũrũ mũno Lebanoni. Nĩndemete mĩtarakwa yakuo ĩrĩa mĩraihu mũno, o na mĩthengera ĩrĩa mĩega mũno. Nĩnginyĩte tũcũmbĩrĩ twakuo kũrĩa kũraya mũno, o kũrĩa kũrĩ na mĩtitũ ĩrĩa mĩega mũno.

Kikuyu Bible (IBUKU RĨRĨA ITHERU RĨA NGAI)

Wee-rĩ, nĩ kũmenithia wamenithirie Mwathani na ũndũ wa ndungata ciaku, ũkiuga atĩrĩ, Tondũ wa ũrĩa ngari ciakwa cia ita ciingĩhĩte-rĩ, nĩ kwambata nyambatĩte o kũrĩa gacũmbĩrĩ ka irĩma, o na ngakinya ituri-inĩ cia Lebanoni kũrĩa gũturu; nayo mĩtarakwa yakuo ĩrĩa mĩraya mũno nĩngamĩtema, o na mĩthengera ĩrĩa mĩega mũno yakuo, o na ndonye kũndũ gwake kũrĩa gũtũũgĩru makĩria, o kũu kĩrĩti-inĩ kĩa mũgũnda wake ũrĩa ũciaraga maciaro maingĩ.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Ũtũmĩĩte ndungata ciaku ciũke ciĩndahĩre ikĩnjĩĩraga atĩ nĩũhooteete irĩma iria ndaaya mũno cia Lebanoni, ũcihooteete ũtũmĩrĩĩte ngaari nyingĩ ciaku cia mbarathi.Ũreraha ũkiugaga nĩũtemeete mĩtarakwa ĩrĩa mĩraihu na mĩthengera ĩrĩa mĩthaka mũno kuo.Ũroiga ũtoonyeete ũgakinya kũrĩa mũtitũ ũtumanĩire mũno.