Isaiah 50:2 — Compare Translations

Kikuyu (Kĩrĩkanĩro Gĩa Gĩkũyũ)

“Nĩkĩ kĩagiririe andũ aakwa manjookerere, ndathiĩ kũmahonokia? Ndeetana-rĩ, maagire gwĩtĩka nĩkĩ? Nĩ hinya itarĩ naguo wa kũmahonokia? No njathane, iria rĩũme na ndũme rũũĩ rũtuĩke kũndũ kũũmũ, thamaki ciakuo ikue na ibuthe nĩ ũndũ wa kwaga maaĩ.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Rĩrĩa ndokire-rĩ, nĩ kĩĩ gĩatũmire haage mũndũ o na ũmwe? Ningĩ rĩrĩa ndetanire-rĩ, nĩ kĩĩ gĩatũmire haage mũndũ o na ũmwe wanjĩtĩkire? Kaĩ guoko gwakwa gwakuhĩhĩte, nĩguo kũremwo nĩkũmũkũũra? Nĩ hinya njagĩte wa kũmũhonokia? Ikũũma rĩakwa riiki nĩrĩtũmaga iria rĩhũe, o na ngatũma njũũĩ ituĩke werũ; thamaki ciakuo ikabutha nĩ kwaga maaĩ, na igakua nĩ nyoota.

Kikuyu Bible (IBUKU RĨRĨA ITHERU RĨA NGAI)

Nĩ kĩ gĩatũmire hakorũo hatarĩ mũndũ hĩndĩ ĩrĩa ndokire? Ningĩ hĩndĩ ĩrĩa ndetanire-rĩ, nĩ kĩ gĩatũmire hakorũo hatarĩ mũcokia wa ũhoro? Anga hinya wa guoko gwakwa nĩ kũnyiha ũnyihĩte atĩ nĩguo kũremwo nĩ gũkũũra andũ? Kana nĩ hinya itarĩ naguo wa kũhonokania? Atĩrĩrĩ, niĩ nĩ’hũithagia iria rĩrĩa inene na ikũmana rĩakwa, o na ngatũma njũĩ ituĩke werũ; ciũngũyũ ciakuo igakĩnunga nĩ kwaga maĩ, igakua nĩ nyota.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

“Nĩkĩ kĩagiririe andũ aakwa manjookerere, ndathiĩ kũmahonokia? Ndeetana-rĩ, maagire gwĩtĩka nĩkĩ?Nĩ hinya itarĩ naguo wa kũmahonokia?No njathane, iria rĩũme na ndũme rũũĩ rũtuĩke kũndũ kũũmũ, thamaki ciakuo ikue na ibuthe nĩ ũndũ wa kwaga maaĩ.