Isaiah 51:3 — Compare Translations

Kikuyu (Kĩrĩkanĩro Gĩa Gĩkũyũ)

“Nĩngũiguĩra Jerusalemu tha, o na arĩa oothe matũũraga maganjoinĩ maakuo. Mĩgũnda yakuo o na ĩngĩkorwo ĩtuĩkĩĩte werũ ngũmĩtua o ta mũgũnda wa Edeni. Mĩgũnda yakuo ĩrĩa mĩhĩnju, ngũmĩtua o ta mũgũnda wa MWATHANI. Gũgũkorwo na gĩkeno na gũcanjamũka; nyĩmbo cia kũgooca na gũcookia ngaatho nĩcio irĩiguagwo kuo.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Ti-itherũ Jehova nĩakahooreria Zayuni, o na ahoorerie kũndũ gwakuo kũrĩa kwanangĩtwo; werũ wakuo akaaũtua o ta Edeni, na rũngʼũrĩ rwakuo arũtue o ta mũgũnda wa Jehova. Kũu guothe gũkaiyũra gĩkeno, na gũcanjamũka ngoro, na gũcookagia ngaatho, o gũkĩinagwo nyĩmbo.

Kikuyu Bible (IBUKU RĨRĨA ITHERU RĨA NGAI)

Nĩ gũkorũo Jehova nĩahoreretie Zayuni, o na akahoreria kũndũ gwakuo guothe kũrĩa kwanangĩtwo, o naguo werũ wakuo wothe akaũtua o ta Edeni, o naruo rũng’ũrĩ rũakuo ruothe akarũtua o ta mũgũnda wa Jehova; nakuo kũu guothe gũkaiyũra gĩkeno o na gũcanjamũka ngoro, na gũtũũre gũcokanagĩrio ngatho o gũkĩinagwo nyĩmbo.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

“Nĩngũiguĩra Jerusalemu tha, o na arĩa oothe matũũraga maganjoinĩ maakuo.Mĩgũnda yakuo o na ĩngĩkorwo ĩtuĩkĩĩte werũ ngũmĩtua o ta mũgũnda wa Edeni.Mĩgũnda yakuo ĩrĩa mĩhĩnju, ngũmĩtua o ta mũgũnda wa MWATHANI.Gũgũkorwo na gĩkeno na gũcanjamũka; nyĩmbo cia kũgooca na gũcookia ngaatho nĩcio irĩiguagwo kuo.