Isaiah 52:5 — Compare Translations

Kikuyu (Kĩrĩkanĩro Gĩa Gĩkũyũ)

Rĩu gũũkũ Babiloni noguo kũrathiĩ na mbere. Mũrĩ ngombo na gũtirĩ mbeeca mũgũrĩĩtwo nacio. Arĩa maramwatha nĩkwĩraha mareraha na makanjagĩra gĩtĩĩo mĩthenya yothe.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Jehova ekũũria atĩrĩ, “Rĩu-rĩ, nĩ kĩĩ ndĩ nakĩo? “Nĩgũkorwo andũ akwa maatahirwo o ũguo tũhũ, nao andũ arĩa mamaathaga no kũmanyũrũria. Narĩo rĩĩtwa rĩakwa rĩcambagio hĩndĩ ciothe,” ũguo nĩguo Jehova ekuuga.

Kikuyu Bible (IBUKU RĨRĨA ITHERU RĨA NGAI)

Tondũ ũcio Jehova ekuuga atĩrĩ, Rĩu ndĩragĩĩka atĩa haha, kuona atĩ andũ akwa matahĩirũo tũhũ? Andũ arĩa mamaathaga nĩ kũrũhia mararũhia nĩ ũndũ wao, narĩo rĩĩtwa rĩakwa rĩtindaga rĩgĩcambio hĩndĩ ciothe; ũguo nĩguo Jehova ekuuga.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Rĩu gũũkũ Babiloni noguo kũrathiĩ na mbere. Mũrĩ ngombo na gũtirĩ mbeeca mũgũrĩĩtwo nacio. Arĩa maramwatha nĩkwĩraha mareraha na makanjagĩra gĩtĩĩo mĩthenya yothe.