Isaiah 66:20 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
Ningĩ nĩmakoongania andũ oothe a rũũrĩrĩ rwanyu kuuma ndũũrĩrĩinĩ ciothe mamareehe marĩ ta kĩheeo harĩ MWATHANI. Makaamareehe makuuĩĩtwo na mbarathi, ngaari cia mbarathi, na itanda cia gũkuuo na ciande. Angĩ magaakuuo nĩ nyũmbũ na ngamĩĩra iria ndeng'eri mũno. Acio oothe makaareehwo o kĩrĩmainĩ gĩakwa kĩrĩa gĩtheru, kũu Jerusalemu. Makaareehwo o ta ũrĩa Aisiraeli mareehage iheeo ciao cia irio cia mĩgũnda Hekaarũinĩ, maciĩkĩrĩĩte ciondoinĩ itarĩ na gĩko.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
Nao nĩmakarehe ariũ a thoguo othe, kuuma ndũrĩrĩ-inĩ ciothe, marehwo makuuĩtwo nĩ mbarathi, na ngaari cia ita, na makaari ma kũguucio, na mahaicĩte nyũmbũ na ngamĩĩra, moke kĩrĩma-inĩ gĩakwa kĩrĩa kĩamũre kũu Jerusalemu, matuĩke ta igongona harĩ Jehova,” ũguo nĩguo Jehova ekuuga. “Nao magaacirehe o ta ũrĩa andũ a Isiraeli marehaga ngano yao ya maruta kũu hekarũ-inĩ ya Jehova ĩkuuĩtwo na indo iria itarĩ thaahu.
Kikuyu Bible (IBUKU RĨRĨA ITHERU RĨA NGAI)
Nao nĩmakarehe ariũ a ithe wanyu othe moime ndũrĩrĩ-inĩ ciothe, matuĩke ta marĩ igongona rĩa kũrutĩrũo Jehova; nao magoka mahaicĩte mbarathi, o na ngari cia ita, na moke makuuĩtwo na itanda cia gũcuhio, o na nyũmbũ, o na ngamĩra iria ithiaga na ihenya, makinyio kĩrĩma-inĩ gĩakwa kĩrĩa kĩamũre o kũu Jerusalemu; ũguo nĩguo Jehova ekuuga. Nao makarehwo o ta ũrĩa ciana cia Isiraeli itwaraga kĩndũ gĩacio gĩa kũruta igongona gĩkuuĩtwo na kĩndũ gĩtheru gĩgatwarũo nyũmba ya Jehova.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
Ningĩ nĩmakoongania andũ oothe a rũũrĩrĩ rwanyu kuuma ndũũrĩrĩinĩ ciothe mamareehe marĩ ta kĩheeo harĩ MWATHANI. Makaamareehe makuuĩĩtwo na mbarathi, ngaari cia mbarathi, na itanda cia gũkuuo na ciande. Angĩ magaakuuo nĩ nyũmbũ na ngamĩĩra iria ndeng'eri mũno. Acio oothe makaareehwo o kĩrĩmainĩ gĩakwa kĩrĩa gĩtheru, kũu Jerusalemu. Makaareehwo o ta ũrĩa Aisiraeli mareehage iheeo ciao cia irio cia mĩgũnda Hekaarũinĩ, maciĩkĩrĩĩte ciondoinĩ itarĩ na gĩko.