Jeremiah 2:20 — Compare Translations

Kikuyu (Kĩrĩkanĩro Gĩa Gĩkũyũ)

MWATHANI Ngai ekuuga atĩrĩ, “Isiraeli, wareganire na watho wakwa kuuma o tene, ũkiuga atĩrĩ, ‘Ndigwathĩka.’ Kĩrĩmainĩ o gĩothe gĩtũũgĩru na igũrũ, na rungu rwa mũtĩ o wothe mũruru wega, nĩkuo wathaathaĩirie ngai cia mĩhianano ciakuonganĩrĩra maciaro.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

“Nĩwoinangire icooki rĩaku rĩa ngingo o tene, na ũgĩtuuanga mĩhĩndo yaku; woigire atĩrĩ, ‘Ndigũcooka gũgũtungata!’ Tondũ-rĩ, tũrĩma-inĩ tũrĩa tuothe tũraihu na igũrũ, na rungu rwa mũtĩ o wothe mũruru nĩkuo wakomaga ũkĩhũũra ũmaraya.

Kikuyu Bible (IBUKU RĨRĨA ITHERU RĨA NGAI)

Nĩ ũndũ mũtĩ waku wa ngingo wauunangire o tene, na ũgĩtuanga mĩhĩndo yaku, ũgĩkiuga atĩrĩ, Ndingĩtungata niĩ; nĩ gũkorũo gĩthũngũri-inĩ kĩrĩa gĩothe kĩraya na igũrũ, o na mũtĩ-inĩ ũrĩa wothe mũruru, nĩkuo wekomirie thĩ ũkĩhũra maraya.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

MWATHANI Ngai ekuuga atĩrĩ,“Isiraeli, wareganire na watho wakwa kuuma o tene, ũkiuga atĩrĩ, ‘Ndigwathĩka.’Kĩrĩmainĩ o gĩothe gĩtũũgĩru na igũrũ, na rungu rwa mũtĩ o wothe mũruru wega, nĩkuo wathaathaĩirie ngai cia mĩhianano ciakuonganĩrĩra maciaro.