Jeremiah 25:9 — Compare Translations

Kikuyu (Kĩrĩkanĩro Gĩa Gĩkũyũ)

‘Nĩngũrekanĩria andũ oothe a mwena wa na rũgongo, o na ndekanĩrie ndungata yakwa, mũthamaki Nebukadinezaru wa Babilonia mooke. Ngũmareehe mahũũrane na Juda na atũũri a kuo o na mahũũrane na ndũũrĩrĩ ciothe iria ihakaine na Juda. Ngwananga bũrũri ũyũ hamwe na mabũrũri marĩa mahakaine naguo ndĩmatige marĩ maganjo nginya tene na tene. Marĩonagwo nĩ andũ makoiga, hĩ hĩ hĩ hĩ-ĩ! Nĩ ũrĩa mamakĩĩte. Niĩ MWATHANI, nĩ niĩ ndoiga ũguo.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

nĩngwĩta andũ othe a mwena wa gathigathini hamwe na ndungata yakwa Nebukadinezaru, mũthamaki wa Babuloni,” ũguo nĩguo Jehova ekuuga. “Nĩngũmarehe mookĩrĩre bũrũri ũyũ na arĩa matũũraga kuo o na mookĩrĩre ndũrĩrĩ ciothe iria iũrigiicĩirie. Nĩngamaniina biũ na ndũme matuĩke ta kĩndũ kĩa ihooru na gĩa kũmeneka, na manangĩke nginya tene.

Kikuyu Bible (IBUKU RĨRĨA ITHERU RĨA NGAI)

atĩrĩrĩ, nĩ kũrekania ngarekania ’nyitithie andũ othe a mbarĩ cia mwena wa gathigathini, ningĩ ndũmane kwa Nebukadirezaru, mũthamaki wa Babuloni, o we ndungata yakwa, ndĩmarehithie matharĩke bũrũri ũyũ, o na mokĩrĩre andũ arĩa maũtũũraga, o na ndũrĩrĩ ciothe iria iũrigicĩirie; ũguo nĩguo Jehova ekuuga; na nĩngamanina biũ, o na ndũme matuĩke ta ũndũ wa kũgegania, o na wa gũtũma kuugagwo atĩrĩ, Hi-i-i! Ningĩ kũndũ gũkũ gũtũũre gũkirĩte ihooru nginya tene na tene.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

‘Nĩngũrekanĩria andũ oothe a mwena wa na rũgongo, o na ndekanĩrie ndungata yakwa, mũthamaki Nebukadinezaru wa Babilonia mooke. Ngũmareehe mahũũrane na Juda na atũũri a kuo o na mahũũrane na ndũũrĩrĩ ciothe iria ihakaine na Juda. Ngwananga bũrũri ũyũ hamwe na mabũrũri marĩa mahakaine naguo ndĩmatige marĩ maganjo nginya tene na tene. Marĩonagwo nĩ andũ makoiga, hĩ hĩ hĩ hĩ-ĩ! Nĩ ũrĩa mamakĩĩte. Niĩ MWATHANI, nĩ niĩ ndoiga ũguo.