Jeremiah 31:32 — Compare Translations

Kikuyu (Kĩrĩkanĩro Gĩa Gĩkũyũ)

Kĩrĩĩkanĩro kĩu gĩtigaakorwo kĩhaana ta kĩrĩa ndarĩĩkanĩire na maithe maao ma tene rĩrĩa ndamanyiitire na guoko, ngĩmatongoria, ngĩmaruta bũrũri wa Misiri. Maithe maao matiigana gwathĩkĩra kĩrĩĩkanĩro kĩu, o na harĩa ndaarĩ ta mũthuuri wao.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Nakĩo kĩrĩkanĩro kĩu gĩtihaana ta kĩrĩkanĩro kĩrĩa ndaarĩkanĩire na maithe mao ma tene rĩrĩa ndaamanyiitire na guoko, ngĩmatongoria ngĩmaruta bũrũri wa Misiri, tondũ nĩmagararire kĩrĩkanĩro gĩakwa, o na harĩa ndaarĩ ta ndĩ mũthuuri wao,” ũguo nĩguo Jehova ekuuga.

Kikuyu Bible (IBUKU RĨRĨA ITHERU RĨA NGAI)

Nakĩo kĩrĩkanĩro kĩu gĩtigatuĩka ta kĩrĩa ndarĩkanĩire na maithe mao hĩndĩ ĩrĩa ndamanyitire na guoko ngĩmaruta bũrũri wa Misiri; nĩ ũndũ matiigana kũrũmia kĩrĩkanĩro kĩu twarĩkanĩire nao, o na harĩa ndatuĩkĩte ta ndĩ mũthuri wao; ũguo nĩguo Jehova ekuuga.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Kĩrĩĩkanĩro kĩu gĩtigaakorwo kĩhaana ta kĩrĩa ndarĩĩkanĩire na maithe maao ma tene rĩrĩa ndamanyiitire na guoko, ngĩmatongoria, ngĩmaruta bũrũri wa Misiri. Maithe maao matiigana gwathĩkĩra kĩrĩĩkanĩro kĩu, o na harĩa ndaarĩ ta mũthuuri wao.