Jeremiah 31:37 — Compare Translations

Kikuyu (Kĩrĩkanĩro Gĩa Gĩkũyũ)

Ningĩ MWATHANI ekuuga atĩrĩ, “Angĩkorwo igũrũ matuinĩ no gũthimĩke na itina cia thĩ ituĩrĩke-rĩ, hĩndĩ ĩyo norĩo ingĩingata andũ a Isiraeli nĩ ũndũ wa ũrĩa wothe meekĩĩte.”

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Jehova ekuuga atĩrĩ: “Angĩkorwo igũrũ matu-inĩ no gũthimĩke, nayo mĩthingi ya thĩ ĩtuĩrio na kũu rungu-rĩ, niĩ na niĩ no rĩo ingĩingata njiaro ciothe cia Isiraeli nĩ ũndũ wa ũrĩa wothe mekĩte,” ũguo nĩguo Jehova ekuuga.

Kikuyu Bible (IBUKU RĨRĨA ITHERU RĨA NGAI)

Ningĩ Jehova ekuuga ũũ: Atĩrĩrĩ, kũngĩkorũo igũrũ matu-inĩ marĩa mairũ kwahota gũthimĩka, o nacio itina iria irũmĩtie thĩ ituĩrĩke kũu ruungu rũayo kũrĩa irĩ-rĩ, niĩ o na niĩ ndaingata rũciaro rũa Isiraeli ruothe nĩ ũndũ wa maũndũ mothe marĩa rũaneka; ũguo nĩguo Jehova ekuuga.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Ningĩ MWATHANI ekuuga atĩrĩ,“Angĩkorwo igũrũ matuinĩ no gũthimĩke na itina cia thĩ ituĩrĩke-rĩ, hĩndĩ ĩyo norĩo ingĩingata andũ a Isiraeli nĩ ũndũ wa ũrĩa wothe meekĩĩte.”