Jeremiah 32:23 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
No rĩĩrĩ, rĩrĩa o mookire na makĩĩgwatĩra bũrũri ũyũ, matiigana gũgũthikĩrĩria o na kana gwathĩkĩra mawatho maaku; hatirĩ ũndũ o na ũmwe wa maũndũ marĩa wamaathĩĩte meeke meekire. Nĩkĩo rĩu ũtũmĩĩte mwanangĩko ũyũ wothe ũmakorerere.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
Maatoonyire bũrũri ũcio makĩwĩgwatĩra ũgĩtuĩka wao, no rĩrĩ, matiigana gũgwathĩkĩra kana kũrũmĩrĩra mawatho maku; matiekire maũndũ marĩa wamaathĩte meke. Nĩ ũndũ ũcio ũkĩmarehithĩria mwanangĩko ũyũ ũmakorete.
Kikuyu Bible (IBUKU RĨRĨA ITHERU RĨA NGAI)
nao magĩtonya kuo, makĩwĩgwatĩra ũgĩtuĩka wao; no matiigana kũigua mũgambo waku, o na kana magĩthiĩ na mĩthiĩre ya kũrũmĩrĩra watho waku. Matirĩ meka ũndũ o na ũmwe wa maũndũ marĩa wamaathire mekage; naguo ũndũ ũcio nĩguo ũtũmĩte maũũru maya mothe mamakore.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
No rĩĩrĩ, rĩrĩa o mookire na makĩĩgwatĩra bũrũri ũyũ, matiigana gũgũthikĩrĩria o na kana gwathĩkĩra mawatho maaku; hatirĩ ũndũ o na ũmwe wa maũndũ marĩa wamaathĩĩte meeke meekire. Nĩkĩo rĩu ũtũmĩĩte mwanangĩko ũyũ wothe ũmakorerere.