Jeremiah 32:44 — Compare Translations

Kikuyu (Kĩrĩkanĩro Gĩa Gĩkũyũ)

Andũ nĩmakaagũraga mĩgũnda ĩyo, mageekĩra thaĩri marũa ma kũmĩgũra, makamahũũra mũhũũri, na mageeta aira mooke moone magĩĩka ũguo. Ũndũ ũcio ũgeekagwo bũrũriinĩ wa Benjamini, icagiinĩ iria ithiũrũrũkĩirie Jerusalemu, matũũrainĩ ma Juda, matũũrainĩ ma bũrũri ũrĩa ũrĩ irĩma, magũrũinĩ ma irĩma cia Juda mwena wa na ithũĩro, na mwena wa na kĩanda wa Juda. Nĩ ũndũ-rĩ, nĩngaacookia andũ aakwa bũrũriinĩ wao. Niĩ MWATHANI, nĩ niĩ ndoiga ũguo.”

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Mĩgũnda ĩkaagũragwo na betha, namo marũa ma ũgũri nĩmakandĩkanĩrwo na mekĩrwo kĩrore na macinĩrĩrwo mũhũũri aira marĩ ho, kũu bũrũri wa Benjamini, na tũtũũra-inĩ tũrĩa tũriganĩtie na Jerusalemu, na matũũra ma Juda, na matũũra ma bũrũri ũrĩa ũrĩ irĩma na matũũra marĩa marĩ magũrũ-inĩ ma irĩma cia mwena wa ithũĩro, o na ma Negevu, nĩ tondũ nĩngamacookeria ũgaacĩru wao, ũguo nĩguo Jehova ekuuga.”

Kikuyu Bible (IBUKU RĨRĨA ITHERU RĨA NGAI)

Andũ no magacoka kũgũraga mĩgũnda na mbia, na maandĩkanagĩre marũa ma ũgũri, na mamacinagĩrĩre marũũri mao, na metage aira, o kũu bũrũri wa Benjamini, o na kũndũ kũingĩ ndere-inĩ cia Jerusalemu, o na matũũra-inĩ ma Juda, o na ma bũrũri ũrĩa wĩ ĩrĩma nyingĩ, o na ma bũrũri ũrĩa mũgũu, o na ma mwena wa Gũthini; nĩ ũndũ nĩngatũma atĩ andũ ao arĩa maatahirũo macoke kuo; ũguo nĩguo Jehova ekuuga.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Andũ nĩmakaagũraga mĩgũnda ĩyo, mageekĩra thaĩri marũa ma kũmĩgũra, makamahũũra mũhũũri, na mageeta aira mooke moone magĩĩka ũguo. Ũndũ ũcio ũgeekagwo bũrũriinĩ wa Benjamini, icagiinĩ iria ithiũrũrũkĩirie Jerusalemu, matũũrainĩ ma Juda, matũũrainĩ ma bũrũri ũrĩa ũrĩ irĩma, magũrũinĩ ma irĩma cia Juda mwena wa na ithũĩro, na mwena wa na kĩanda wa Juda. Nĩ ũndũ-rĩ, nĩngaacookia andũ aakwa bũrũriinĩ wao. Niĩ MWATHANI, nĩ niĩ ndoiga ũguo.”