Jeremiah 33:13 — Compare Translations

Kikuyu (Kĩrĩkanĩro Gĩa Gĩkũyũ)

Atĩrĩĩrĩ, arĩithi nĩmagaacooka gũtaraga ng'ondu ciao kũu matũũrainĩ ma bũrũri ũrĩa ũrĩ irĩma, magũrũinĩ ma irĩma cia Juda mwena wa na ithũĩro, mwena wa na kĩanda wa Juda, bũrũriinĩ wa Benjamini, icagiinĩ iria ithiũrũrũkĩirie Jerusalemu, na matũũrainĩ ma Juda. Niĩ MWATHANI, nĩ niĩ ndoiga ũguo.”

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Thĩinĩ wa matũũra ma bũrũri ũrĩa ũrĩ irĩma, o na marĩa marĩ magũrũ-inĩ ma irĩma cia mwena wa ithũĩro, o na ma Negevu, bũrũri-inĩ wa Benjamini, o na tũtũũra-inĩ tũrĩa tũrigiicĩirie Jerusalemu o na matũũra-inĩ ma Juda-rĩ, ndũũru cia mbũri nĩigacooka kũhĩtũkĩra guoko-inĩ kwa ũrĩa ũcitaraga,’ ũguo nĩguo Jehova ekuuga.

Kikuyu Bible (IBUKU RĨRĨA ITHERU RĨA NGAI)

O na ningĩ Jehova ekuuga atĩrĩ, atĩ o kũu matũũra-inĩ ma bũrũri ũrĩa wĩ irĩma nyingĩ, o na ma bũrũri ũrĩa mũgũu, o na matũũra-inĩ ma mwena wa Gũthini, o na bũrũri wa Benjamini, o na kũndũ kũrĩa kũrigicĩirie Jerusalemu, o na matũũra-inĩ ma Juda-rĩ, nĩkuo ndũru cia mbũri igacoka kuonwo ikĩhĩtũkĩra harĩ mũndũ ũrĩa ũcitaraga.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Atĩrĩĩrĩ, arĩithi nĩmagaacooka gũtaraga ng'ondu ciao kũu matũũrainĩ ma bũrũri ũrĩa ũrĩ irĩma, magũrũinĩ ma irĩma cia Juda mwena wa na ithũĩro, mwena wa na kĩanda wa Juda, bũrũriinĩ wa Benjamini, icagiinĩ iria ithiũrũrũkĩirie Jerusalemu, na matũũrainĩ ma Juda. Niĩ MWATHANI, nĩ niĩ ndoiga ũguo.”