Jeremiah 35:15 — Compare Translations

Kikuyu (Kĩrĩkanĩro Gĩa Gĩkũyũ)

Ndũire ndĩmũtũmagĩra anabii, oothe ndungata ciakwa, nao mamwĩraga mũtigane na mĩthiĩre yanyu mĩũru, na mũrũnge ciĩko cianyu. Ningĩ nĩmamũkaanagia gũthaathayagia na gũtungatagĩra ngai ingĩ, nĩguo mũthiĩ na mbere gũtũũra bũrũriinĩ ũyũ ũrĩa ndamũheire inyuĩ na ngĩhe maithe maanyu. No rĩĩrĩ, inyuĩ mũtiigana gũũthikĩrĩria o na kana kũnjathĩkĩra.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Ndĩmũtũmĩire ndungata ciakwa ciothe cia anabii kaingĩ kaingĩ. Nao mamwĩraga atĩrĩ, “Mũndũ o wothe wanyu no nginya atigane na mĩthiĩre yake ya waganu na aagĩrie ciĩko ciake; tigai kũrũmĩrĩra ngai ingĩ kana gũcitungatagĩra. Na inyuĩ nĩmũgatũũra bũrũri ũyũ ndaamũheire inyuĩ o na maithe manyu.” No inyuĩ mũtiigana kũrũmbũiya ũhoro ũcio kana gũũthikĩrĩria.

Kikuyu Bible (IBUKU RĨRĨA ITHERU RĨA NGAI)

O na ningĩ nĩndĩmũrekeirie ndungata ciakwa ciothe cia anabii ta arĩ kũroka ndokete gũũkĩra rũcinĩ tene nĩguo ndĩcirekie, nĩguo imwĩre ũũ: Ta garũrũkai rĩu, mũndũ o mũndũ atigane na mĩthiĩre yake mĩũru, na mwagĩrie ciĩko cianyu, mũtige gũcoka kũrũmĩrĩra ngai ingĩ mũcitungatĩre, na nĩmũgũtũũra bũrũri ũyũ ndamũheire inyuene o na maithe manyu; no rĩrĩ, mũtiigana kũndegera gũtũ, o na kana mũkĩnjigua.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Tondũ ũcio niĩ, MWATHANI Mwene Hinya Wothe, Ngai wa Isiraeli, nĩngũmũreehithĩria inyuĩ andũ a Juda na a Jerusalemu mwanangĩko wothe ũrĩa njugĩĩte nĩngũmũreehithĩria. Ngwĩka ũguo tondũ o na ndamwarĩria mũtithikagĩrĩria, na ndamwĩta mũtiĩtĩkaga.”