Jeremiah 4:30 — Compare Translations

Kikuyu (Kĩrĩkanĩro Gĩa Gĩkũyũ)

Jerusalemu, kaĩ wĩ thĩĩnainĩ-ĩ! Nguo icio nduune wĩhumbaga, na mathaga macio ma thahabu wĩgemagia namo, o na marangi macio wĩhakaga maitho nĩ ma kĩ? Kwĩgemia kũu gwaku nĩ gwa tũhũ! Anyaanya aaku nĩmakũnyararĩĩte, na nĩkwenda marenda gũkũũraga.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Ũreka atĩa, wee ũnũhĩtwo? Ũkwĩhumba nguo ndune na ũkegemia na mathaga ma thahabu nĩkĩ? Ũrahaka mbutu ciaku cia maitho rangi nĩkĩ? Atĩrĩrĩ, kwĩgemia gwaku no gwa tũhũ. Endwa aku nĩmakwagĩire bata; rĩu maracaria ũrĩa mangĩkũruta muoyo.

Kikuyu Bible (IBUKU RĨRĨA ITHERU RĨA NGAI)

Wee nawe-rĩ, gwaku kwaanangĩka-rĩ, ũgagĩĩka atĩa? O na harĩa ũtũire wĩhumbaga nguo ndune, na ũkegemia na mathaga ma thahabu, na ũkehaka mbiro mbutu-inĩ cia maitho-rĩ, kwĩgemia kũu guothe rĩu nĩ gwa tũhũ, amu anyanya aku nĩmagũũkĩrĩire makũmenererie, na nĩ gũcaria maracaria njĩra ya gũkũruta muoyo.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Jerusalemu, kaĩ wĩ thĩĩnainĩ-ĩ!Nguo icio nduune wĩhumbaga, na mathaga macio ma thahabu wĩgemagia namo, o na marangi macio wĩhakaga maitho nĩ ma kĩ?Kwĩgemia kũu gwaku nĩ gwa tũhũ! Anyaanya aaku nĩmakũnyararĩĩte, na nĩkwenda marenda gũkũũraga.