Jeremiah 40:5 — Compare Translations

Kikuyu (Kĩrĩkanĩro Gĩa Gĩkũyũ)

Rĩrĩa ndaagire gũcookia-rĩ, Nebuzaradani akiuga atĩrĩ, “Gĩcooke kũrĩ Gedalia mũrũ wa Ahikamu na mũcũkũrũ wa Shafani ũrĩa mũthamaki wa Babilonia atuĩte barũũthi wa matũũra ma Juda. No ũikare naake na ũtũũranie na andũ arĩa angĩ, kana ũthiĩ o harĩa hoothe ũngĩenda gũthiĩ.” Agĩcooka akĩĩhe kĩheeo na akĩnduma rĩĩgu, akĩndekereria ndĩthiĩre.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

No rĩrĩ, Jeremia atanagarũrũka acooke-rĩ, Nebuzaradani akĩmwarĩria rĩngĩ, akĩmwĩra atĩrĩ, “Cooka kũrĩ Gedalia mũrũ wa Ahikamu, mũrũ wa Shafani, ũrĩa mũthamaki wa Babuloni atuĩte mũrũgamĩrĩri wa matũũra ma Juda, mũgatũũre nake kũu hamwe na andũ arĩa angĩ, kana ũgĩthiĩ o harĩa hangĩ hothe ũngĩenda.” Ningĩ mũnene ũcio wa arangĩri akĩmũhe irio, o na akĩmũhe kĩheo, akĩreka ethiĩre.

Kikuyu Bible (IBUKU RĨRĨA ITHERU RĨA NGAI)

Ningĩ o hĩndĩ ĩo, atanahũndũka acoke kwao, akĩĩrũo atĩrĩ, No gĩcoke, ũthiĩ kwa Gedalia, mũrũ wa Ahikamu wa Shafani, ũrĩa mũthamaki wa Babuloni atuĩte barũthi wa matũũra ma Juda, mũtũũre nake kũu hamwe na andũ arĩa marĩ kuo; o na kana ũthiĩ handũ o hothe harĩa ũkuona hangĩkwagĩrĩra. Nake mũnene ũcio wa arangĩri agĩkĩmũhe irio o na kĩheo, akĩmũreka ethiĩre.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Rĩrĩa ndaagire gũcookia-rĩ, Nebuzaradani akiuga atĩrĩ, “Gĩcooke kũrĩ Gedalia mũrũ wa Ahikamu na mũcũkũrũ wa Shafani ũrĩa mũthamaki wa Babilonia atuĩte barũũthi wa matũũra ma Juda. No ũikare naake na ũtũũranie na andũ arĩa angĩ, kana ũthiĩ o harĩa hoothe ũngĩenda gũthiĩ.” Agĩcooka akĩĩhe kĩheeo na akĩnduma rĩĩgu, akĩndekereria ndĩthiĩre.