Jeremiah 44:14 — Compare Translations

Kikuyu (Kĩrĩkanĩro Gĩa Gĩkũyũ)

Gũtirĩ mũndũ o na ũmwe wa andũ a Juda arĩa matigarĩĩte, o aya mookĩĩte gũtũũra gũũkũ Misiri, ũrĩthara, kana ahonoke. Gũtirĩ o na ũmwe wao ũgaacooka bũrũriinĩ wa Juda, o ũcio marerirĩria gũgaacooka magatũũre kuo, tiga o andũ aniini arĩa mageethara.”

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Gũtirĩ mũndũ o na ũmwe wa matigari ma Juda acio mathiĩte gũtũũra bũrũri wa Misiri ũkaahonoka, kana atigare nĩguo acooke bũrũri wa Juda, ũrĩa meriragĩria gũgaacooka magatũũre kuo; gũtirĩ ũgaacooka, tiga o andũ anini arĩa mageethara.”

Kikuyu Bible (IBUKU RĨRĨA ITHERU RĨA NGAI)

o nginya gũtuĩke atĩ gũtirĩ mũndũ o na ũmwe ũhonokete wa matigari ma Juda, marĩa mokĩte bũrũri wa Misiri marĩĩre ũgeni kuo, o na kana agatigara, nĩguo atĩ macoke bũrũri wa Juda, kũu meriragĩria gũcoka magatũũre kuo; nĩ gũkorũo gũtirĩ mũndũ ũgacoka kuo tiga o arĩa makeyũrĩra methare.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Gũtirĩ mũndũ o na ũmwe wa andũ a Juda arĩa matigarĩĩte, o aya mookĩĩte gũtũũra gũũkũ Misiri, ũrĩthara, kana ahonoke. Gũtirĩ o na ũmwe wao ũgaacooka bũrũriinĩ wa Juda, o ũcio marerirĩria gũgaacooka magatũũre kuo, tiga o andũ aniini arĩa mageethara.”