Jeremiah 50:42 — Compare Translations

Kikuyu (Kĩrĩkanĩro Gĩa Gĩkũyũ)

Marooka makuuĩĩte mĩguĩ na hiũ cia njora; nĩ andũ ooru na matarĩ tha. Mũkubio wao mahaicĩĩte mbarathi nĩ ta mũhũyũko wa ndiihũ cia iria. Maikaraga mehaarĩirie kũrũa nawe, wee Babilonia.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Marooka marĩ na mota na matimũ mao; nao nĩ andũ ooru, na matarĩ tha. Mũrurumo wao nĩ ta mũrurumo wa ndiihũ cia maaĩ ma iria, magĩũka mahaicĩte mbarathi ciao; mokĩte meyarĩire wega mbaara-inĩ nĩguo magũtharĩkĩre, wee Mwarĩ ũyũ wa Babuloni.

Kikuyu Bible (IBUKU RĨRĨA ITHERU RĨA NGAI)

Andũ acio maroka magwete mota mao na matimũ, nao nĩ eĩ mũno, na matirĩ tha; mũrurumo wao magĩũka-rĩ, ũragamba o ta ndihũ cia maĩ ma iria rĩrĩa inene, nao mathiaga mahaicĩte mbarathi, na magethaba wega o ta andũ merekeire ita-inĩ, nĩguo magũũkĩrĩre, wee mwarĩ wa Babuloni.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Marooka makuuĩĩte mĩguĩ na hiũ cia njora; nĩ andũ ooru na matarĩ tha.Mũkubio wao mahaicĩĩte mbarathi nĩ ta mũhũyũko wa ndiihũ cia iria.Maikaraga mehaarĩirie kũrũa nawe, wee Babilonia.