Jeremiah 8:19 — Compare Translations

Kikuyu (Kĩrĩkanĩro Gĩa Gĩkũyũ)

Tatega matũ! Bũrũriinĩ wothe ndĩraigua andũ aakwa makĩrĩra makĩũragia atĩrĩ, “Kaĩ MWATHANI atatũire Zayuni? Kaĩ mũthamaki wa Zayuni atatũire kuo?” Naake MWATHANI, mũthamaki wao, agacookia atĩrĩ, “Nĩ kĩĩ gĩtũmĩĩte mũndaakarie na gũthaathaiya mĩhianano yanyu o na kũinamĩrĩra ngai cianyu ng'eni cia tũhũ?”

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Ta thikĩrĩria kĩrĩro kĩa andũ akwa marĩ bũrũri wa kũraya: “Atĩrĩrĩ, githĩ Jehova ndarĩ kũu Zayuni? Mũthamaki wakuo-rĩ, kaĩ atatũũraga kuo?” “Nĩ kĩĩ gĩtũmĩte maathirĩkie nĩguo ndaakare na ũndũ wa mĩhianano ĩyo yao methondekeire, makandakaria na mĩhianano ĩyo yao ya kũngĩ ĩtarĩ kĩene?”

Kikuyu Bible (IBUKU RĨRĨA ITHERU RĨA NGAI)

Atĩrĩrĩ, he mũgambo wa kĩrĩro kĩa mwarĩ wa andũ akwa ũkũiguĩka ituri-inĩ ciothe cia bũrũri ũkĩũria atĩrĩ, Githĩ Jehova ndatũire o kũu Zayuni? O nake mũthamaki wakuo-rĩ, githĩ ndakĩrĩ o kuo? Nĩ kĩ gĩtũmĩte ma’thirĩkie na mĩhianano yao ya gwacũhio, magatũma ndakare, o na makandakaria na maũndũ mao ma tũhũ marĩa matarĩ ma ndũire?

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Tatega matũ!Bũrũriinĩ wothe ndĩraigua andũ aakwa makĩrĩra makĩũragia atĩrĩ, “Kaĩ MWATHANI atatũire Zayuni? Kaĩ mũthamaki wa Zayuni atatũire kuo?”Naake MWATHANI, mũthamaki wao, agacookia atĩrĩ, “Nĩ kĩĩ gĩtũmĩĩte mũndaakarie na gũthaathaiya mĩhianano yanyu o na kũinamĩrĩra ngai cianyu ng'eni cia tũhũ?”