Job 1:17 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
Ũcio naake ataanarĩĩkia kwaria, hagĩũka mũndũ ũngĩ akiuga atĩrĩ, “Ikundi ithatũ cia mĩkora ya Akalidei, ciatharĩkĩra ngamĩĩra ciacitaha na cioraga ndungata iria ingĩ ciothe. No niĩ nyiiki ndahonoka, ndooka gũkwĩra ũguo!”
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
O akĩaragia-rĩ, mũkinyia-ũhoro ũngĩ agĩũka, akiuga atĩrĩ, “Akalidei meyũmba mbũtũ ithatũ, maatharĩkĩra ngamĩĩra ciaku na macitaha, maathiĩ nacio. Ndungata nacio maciũraga na rũhiũ rwa njora; na no niĩ nyiki ndahonoka, ndagĩũka gũkũrehere ũhoro!”
Kikuyu Bible (IBUKU RĨRĨA ITHERU RĨA NGAI)
O kahinda o kau ũcio ataananina kwaria, hagĩũka mũndũ ũngĩ, akiuga, Akalidei meũmba mbũtũ ithatũ, maatharĩkĩra ngamĩra, maataha, nacio ndungata maaciũraga na ũũgĩ wa rũhiũ; no niĩ nyiki ndahonoka ndagĩũka gũkũrehere ũhoro.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
Ũcio naake ataanarĩĩkia kwaria, hagĩũka mũndũ ũngĩ akiuga atĩrĩ, “Ikundi ithatũ cia mĩkora ya Akalidei, ciatharĩkĩra ngamĩĩra ciacitaha na cioraga ndungata iria ingĩ ciothe. No niĩ nyiiki ndahonoka, ndooka gũkwĩra ũguo!”