Joel 2:17 — Compare Translations

Kikuyu (Kĩrĩkanĩro Gĩa Gĩkũyũ)

Athĩnjĩri Ngai, arĩa matungatagĩra MWATHANI, nĩmathiĩ marũũgame gatagatĩinĩ ga kĩgongoona na itoonyero rĩa Hekaarũ, makaĩre MWATHANI makĩmũhooyaga atĩrĩ, “Iguĩra andũ aaku tha, MWATHANI! Ndũkaareke ndũũrĩrĩ iria ingĩ itũmenererie na itũnyarare, igĩtũũragia atĩrĩ, ‘Kaĩ Ngai wanyu arĩ ha?’ ”

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Athĩnjĩri-Ngai, arĩa matungataga mbere ya Jehova, nĩmarĩrĩre gatagatĩ ga gĩthaku kĩa Hekarũ na kĩgongona. Nĩmoige atĩrĩ, “Kĩhonokie andũ aku, Wee Jehova. Ndũkareke igai rĩaku rĩtuĩke kĩndũ gĩa kũnyũrũrio, kana tuunagwo thimo gatagatĩ-inĩ ka ndũrĩrĩ. Nĩ kĩĩ kĩngĩtũma ndũrĩrĩ ciũranagie atĩrĩ, ‘Kaĩ Ngai wao akĩrĩ ha?’ ”

Kikuyu Bible (IBUKU RĨRĨA ITHERU RĨA NGAI)

Athĩnjĩri-Ngai, o acio atungatĩri Jehova, nĩmarĩre marũngiĩ gatagatĩ ka gĩthaku na kĩgongona, moige atĩrĩ, Caĩra andũ aku, wee Jehova; menya ũreke ũgai waku ũmenwo, nĩguo atĩ andũ aku moinwo thimo nĩ ndũrĩrĩ iria ingĩ. Nĩ kĩ gĩgũgĩtũma andũ acio a ndũrĩrĩ moranie ũũ: Kaĩ Ngai wao akĩrĩ ha?

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Athĩnjĩri Ngai, arĩa matungatagĩra MWATHANI, nĩmathiĩ marũũgame gatagatĩinĩ ga kĩgongoona na itoonyero rĩa Hekaarũ, makaĩre MWATHANI makĩmũhooyaga atĩrĩ,“Iguĩra andũ aaku tha, MWATHANI! Ndũkaareke ndũũrĩrĩ iria ingĩ itũmenererie na itũnyarare, igĩtũũragia atĩrĩ, ‘Kaĩ Ngai wanyu arĩ ha?’ ”