John 6:22 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
Na mũthenya ũyũ ũngĩ andũ arĩa maatigĩĩtwo mũrĩmo ũrĩa ũngĩ wa iria makĩririkana atĩ mooneete harĩ gatarũ o kamwe hau, na makĩririkana atĩ Jesũ ndaingĩrĩĩte hamwe na arutwo aake gatarũinĩ, no maathiĩte matarĩ naake.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
Mũthenya ũcio ũngĩ, kĩrĩndĩ kĩrĩa kĩarĩ mũrĩmo ũũrĩa ũngĩ wa iria gĩkĩmenya atĩ no marikabu ĩmwe yarĩ ho, na atĩ Jesũ ndaamĩingĩrĩte hamwe na arutwo ake no maathiĩte marĩ oiki.
Kikuyu Bible (IBUKU RĨRĨA ITHERU RĨA NGAI)
Mũthenya ũyũ ũngĩ kĩrĩndĩ kĩrĩa kĩarũngiĩ mũrĩmo ũrĩa ũngĩ wa iria gĩkĩona atĩ kũu gũtirarĩ na macua ĩngĩ, no ĩmwe iiki, na gĩkĩmenya atĩ Jesu ndanatonya macua ĩo hamwe na arutwo ake, no arutwo ake nĩmarathiire oike.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
Na mũthenya ũyũ ũngĩ andũ arĩa maatigĩĩtwo mũrĩmo ũrĩa ũngĩ wa iria makĩririkana atĩ mooneete harĩ gatarũ o kamwe hau, na makĩririkana atĩ Jesũ ndaingĩrĩĩte hamwe na arutwo aake gatarũinĩ, no maathiĩte matarĩ naake.