Joshua 22:27 — Compare Translations

Kikuyu (Kĩrĩkanĩro Gĩa Gĩkũyũ)

No rĩĩrĩ, tũgĩakĩĩte gĩtuĩke rũũri kũrĩ andũ aitũ na aanyu, o na kũrĩ njiarwa ciitũ iria igooka thuutha, atĩ ti itherũ nĩtũthaathayagia MWATHANI Hemainĩ yake theru, o na tũkamũrutĩra magongoona ma njino, o na magongoona marĩa mangĩ o ũndũ ũmwe na magongoona ma thaayũ. Ũndũ ũcio-rĩ, nĩwakũgirĩrĩria njiarwa cianyu citikaanere njiarwa ciitũ atĩ citirĩ ũndũ o na ũmwe ciĩtainwo na MWATHANI naguo.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

No rĩrĩ, nĩ gĩtuĩke ũira gatagatĩ gaitũ na inyuĩ na njiarwa iria igooka, atĩ tũrĩhooyagĩra Jehova hema-inĩ yake tũrĩ na maruta maitũ ma njino, na magongona na maruta ma ũiguano. Ningĩ matukũ ma thuutha njiaro cianyu itikeera njiaro ciitũ atĩrĩ, ‘Mũtirĩ na igai harĩ Jehova.’

Kikuyu Bible (IBUKU RĨRĨA ITHERU RĨA NGAI)

no nĩ getha gĩtuĩke kĩririkania kĩa ũhoro witũ na inyuĩ, o na kĩa njiarũa ciitũ iria igoka thutha witũ, atĩ tũrĩ o rũmwe wĩra-inĩ ũcio wa gũtungatĩra Jehova tũkĩonagwo nĩwe, tũkĩmũrutĩra mahaki ma njino, o na magongona marĩa mangĩ arutagĩrũo, hamwe na indo iria arutagĩrũo cia magongona ma ũiguano; nĩ getha matukũ marĩa magoka, ciana cianyu itikanere ciana ciitũ atĩrĩ, Mũtirĩ ho o na hanini ũhoro-inĩ ũkoniĩ Jehova.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Kũroaga gũtuĩka ũguo atĩ ithuĩ no tũũkĩrĩre MWATHANI, kana twage ũũmũũthĩ kũmũrũmĩrĩra tũkĩĩyakĩra kĩgongoona gĩa kũrutagĩrwo magongoona ma njino, ma irio cia mũgũnda, kana magongoona maangĩ o na marĩkũ. Gũtirĩ hingo tũngĩaka kĩgongoona kĩngĩ handũinĩ ha kĩgongoona kĩa Ngai witũ kĩrĩa kĩigĩĩtwo mbere ya Hema yake ya gũtũnganwo.”