Joshua 5:4 — Compare Translations

Kikuyu (Kĩrĩkanĩro Gĩa Gĩkũyũ)

Andũ a Isiraeli makiuma Misiri, arume oothe maarĩ aruu. No rĩĩrĩ, gũtirĩ mwana o na ũmwe wa kahĩĩ waruithirio ihindainĩ rĩa mĩaka mĩrongo ĩna ĩrĩa andũ a Isiraeli maikarire makĩũrũra werũinĩ. Ihinda rĩu rĩgĩthira-rĩ, arũme oothe arĩa maaciarĩirwo Misiri, o arĩa mangĩathiire ita, nĩmaakuĩte nĩ ũndũ nĩmaaremeire MWATHANI. Andũ acio nĩmeerĩĩtwo nĩ MWATHANI atĩ ndakaameetĩkĩria moone bũrũri mwega na mũnoru ũrĩa eerĩire maithe maao.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Na rĩrĩ, kĩrĩa gĩatũmire Joshua aruithanie nĩ rĩĩrĩ: arũme arĩa othe mooimire bũrũri wa Misiri, o acio othe maakinyĩtie mĩaka ya gũthiĩ mbaara-rĩ, nĩmakuĩrĩire werũ-inĩ marĩ rũgendo-inĩ thuutha wa kuuma bũrũri wa Misiri.

Kikuyu Bible (IBUKU RĨRĨA ITHERU RĨA NGAI)

Na rĩrĩ, ũndũ ũrĩa watũmire Joshua aruithithanie nĩ rĩrĩ, nĩ atĩ arũme othe arĩa moimire Misiri, o acio othe maathiaga ita, nĩmaakuĩrĩire o kũu werũ me rũgendo-inĩ, thutha wa moima Misiri,

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

(4-6) Andũ a Isiraeli makiuma Misiri, arume oothe maarĩ aruu. No rĩĩrĩ, gũtirĩ mwana o na ũmwe wa kahĩĩ waruithirio ihindainĩ rĩa mĩaka mĩrongo ĩna ĩrĩa andũ a Isiraeli maikarire makĩũrũra werũinĩ. Ihinda rĩu rĩgĩthira-rĩ, arũme oothe arĩa maaciarĩirwo Misiri, o arĩa mangĩathiire ita, nĩmaakuĩte nĩ ũndũ nĩmaaremeire MWATHANI. Andũ acio nĩmeerĩĩtwo nĩ MWATHANI atĩ ndakaameetĩkĩria moone bũrũri mwega na mũnoru ũrĩa eerĩire maithe maao.