Joshua 8:33 — Compare Translations

Kikuyu (Kĩrĩkanĩro Gĩa Gĩkũyũ)

Nao Aisiraeli oothe, atongoria, anene, aciiri, o hamwe na andũ a ndũũrĩrĩ arĩa maatũũranagia nao, makĩrũũgama mĩena yerĩ ya Ithandũkũ rĩa Kĩrĩĩkanĩro kĩa MWATHANI, maroreete athĩnjĩri Ngai arĩa maarĩkuuaga. Gĩkundi kĩmwe kĩa Aisiraeli gĩkĩrũũgama kĩroreete kĩrĩma kĩa Gerizimu, nakĩo gĩkundi kĩrĩa kĩngĩ gĩkĩrũũgama kĩroreete kĩrĩma kĩa Ebali, o ta ũrĩa maathĩĩtwo nĩ Musa ndungata ya MWATHANI meekage rĩrĩa ihinda rĩao rĩa kũraathimwo rĩakinya.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Na rĩrĩ, andũ a Isiraeli othe, na andũ a kũngĩ na ene bũrũri o ũndũ ũmwe, hamwe na athuuri ao, na anene na atuithania ciira, makĩrũgama mĩena yeerĩ ya ithandũkũ rĩa kĩrĩkanĩro kĩa Jehova mangʼetheire athĩnjĩri-Ngai, arĩa maarĩ Alawii na nĩo maarĩkuuaga. Nuthu ya andũ yarũgamĩte mbere ya kĩrĩma kĩa Gerizimu, na nuthu ĩyo ĩngĩ ĩkarũgama mbere ya kĩrĩma kĩa Ebali, o ta ũrĩa Musa ndungata ya Jehova aathanĩte mbere ĩyo rĩrĩa aarutanire ũhoro wa kũrathimaga andũ a Isiraeli.

Kikuyu Bible (IBUKU RĨRĨA ITHERU RĨA NGAI)

Nao Aisiraeli othe, o na athuri ao, na anene ao, o na aciri ao, makĩrũgama mwena ũyũ wa ithandũkũ rĩa Jehova, o na mwena ũrĩa ũngĩ mang’etheire athĩnjĩri-Ngai Alawii arĩa maakuuaga ithandũkũ rĩu rĩa kĩrĩkanĩro kĩa Jehova, nake mũndũ ũrĩa mũgeni wao akĩgĩa o ho, o ta mũndũ ũrĩa ũciarĩtwo e wa rũrĩrĩ rũao; na rĩrĩ, gĩkundi kĩmwe kĩao gĩkĩrũgama kĩng’etheire kĩrĩma kĩa Gerizimu, o nakĩo gĩkundi kĩrĩa kĩngĩ gĩkĩrũgama kĩng’etheire kĩrĩma kĩa Ebali, o ta ũrĩa Musa ndungata ya Jehova yathanĩte atĩ andũ a Isiraeli maambage kũrathimwo maũndũ marĩa mangĩ mothe matanekwo.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Hĩndĩ ĩyo Joshua agĩthooma ciugo ciothe cia Watho aanĩrĩire, o hamwe na iraathimo na irumi, o ta ũrĩa ciandĩkĩĩtwo ibukuinĩ rĩu rĩa Watho.