Judges 1:7 — Compare Translations

Kikuyu (Kĩrĩkanĩro Gĩa Gĩkũyũ)

Naake Adonibezeku akiuga atĩrĩ, “Athamaki mĩrongo mũgwanja arĩa ndatinithĩĩtie ciara iria nene cia mooko na cia magũrũ maatũũraga marĩaga matigari rungu rwa meetha yakwa. Atĩrĩĩrĩ, o ũguo ndameekire, noguo naake Ngai anjĩkĩĩte.” Agĩcooka agĩtwarwo Jerusalemu na kũu nĩkuo aakuĩrĩire.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Nake Adoni-Bezeki akiuga atĩrĩ, “Athamaki mĩrongo mũgwanja matinĩtio ciara ciao iria nene cia moko na iria nene cia magũrũ, moonganagia rũitĩki rwa irio rungu rwa metha yakwa. Na rĩrĩ, Ngai nĩandĩhĩte nĩ ũndũ wa ũrĩa ndeekire.” Nao makĩmũtwara Jerusalemu, na agĩkuĩra kuo.

Kikuyu Bible (IBUKU RĨRĨA ITHERU RĨA NGAI)

Nake Adoni-bezeki akiuga atĩrĩ, Nĩkwarĩ athamaki mĩrongo mũgwanja maatinĩtio ciara ciao iria nene cia moko o na cia magũrũ monganagia irio ruungu rũa metha yakwa magĩcirĩaga, na rĩrĩ, o ta ũrĩa niĩ ndekire acio angĩ-rĩ, ũguo noguo Ngai aanjĩka, andĩhie. Nao makĩmũtwara Jerusalemu, agĩkuĩra kuo.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Naake Adonibezeku akiuga atĩrĩ, “Athamaki mĩrongo mũgwanja arĩa ndatinithĩĩtie ciara iria nene cia mooko na cia magũrũ maatũũraga marĩaga matigari rungu rwa meetha yakwa. Atĩrĩĩrĩ, o ũguo ndameekire, noguo naake Ngai anjĩkĩĩte.” Agĩcooka agĩtwarwo Jerusalemu na kũu nĩkuo aakuĩrĩire.