Judges 2:19 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
No rĩĩrĩ, mũtongoria aarĩkia gũkua, Aisiraeli macookaga na thuutha na maatuĩkaga ooru gũkĩra maithe maao. Makuruhanaga na ngai ingĩ, magaciitungatĩra na magacinamĩrĩra. Ningĩ nĩmaaregaga gũtigana na ũremi ũcio wao.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
No mũtiirĩrĩri bũrũri akua, andũ magacookerera maũndũ mooru makĩria kũrĩ marĩa ma maithe mao, makarũmagĩrĩra ngai ingĩ, magacihooyaga na magacitungatĩra. Makĩrega gũtiga mĩtugo ĩyo yao mĩũru na mĩthiĩre yao ya ũremi.
Kikuyu Bible (IBUKU RĨRĨA ITHERU RĨA NGAI)
No nĩgwakinyaga atĩrĩ, atĩ hĩndĩ ĩrĩa mũtiirĩrĩri-bũrũri ũrĩa wamatongoragia aakua, magacoka na thutha, magakĩrĩrĩria gwĩka maũndũ mathũku gũkĩra maithe mao ũhoro-inĩ wa kũrũmĩrĩra ngai ingĩ, magĩcitungatĩra o na magĩciinamĩrĩra; na makaaga gũtiga gwĩka maũndũ marĩa mekaga, kana gũtiga njĩra ya mwĩĩro wao.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
No rĩĩrĩ, mũtongoria aarĩkia gũkua, Aisiraeli macookaga na thuutha na maatuĩkaga ooru gũkĩra maithe maao. Makuruhanaga na ngai ingĩ, magaciitungatĩra na magacinamĩrĩra. Ningĩ nĩmaaregaga gũtigana na ũremi ũcio wao.