Judges 20:15 — Compare Translations

Kikuyu (Kĩrĩkanĩro Gĩa Gĩkũyũ)

Moonganirie thigari ngiri mĩrongo ĩĩrĩ na ithathatũ (26,000) kuuma matũũra maao mũthenya ũcio. Kuongerera acio, andũ a itũũra rĩa Gibea makĩruta thigari njoorua cia kĩmotho magana mũgwanja (700). Mũũthigari o wothe wa thigari icio magana mũgwanja nĩangĩahotire gũikia ihiga na kĩgũtha athimĩĩte rũcuĩrĩ na ndahĩtie.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

O ro rĩmwe andũ a Benjamini magĩcookanĩrĩria andũ arĩa marũaga na hiũ cia njora 20,060 kuuma matũũra-inĩ mao, mongereirwo harĩ andũ magana mũgwanja arĩa maathuurĩtwo kuuma kũrĩ andũ arĩa maatũũraga kũu Gibea.

Kikuyu Bible (IBUKU RĨRĨA ITHERU RĨA NGAI)

Nacio ciana cia Benjamini iria cioimĩte matũũra-inĩ macio igĩtarũo mũthenya ũcio; igĩkorũo irĩ ngiri mĩrongo ĩĩrĩ na ithathatũ thengia andũ arĩa maatũũraga Gibea, nao acio maatarũo makĩhinga magana mũgwanja; nao othe maarĩ njamba cia ita ciamenyete kũrũa na hiũ cia njora.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

(15-16) Moonganirie thigari ngiri mĩrongo ĩĩrĩ na ithathatũ (26,000) kuuma matũũra maao mũthenya ũcio. Kuongerera acio, andũ a itũũra rĩa Gibea makĩruta thigari njoorua cia kĩmotho magana mũgwanja (700). Mũũthigari o wothe wa thigari icio magana mũgwanja nĩangĩahotire gũikia ihiga na kĩgũtha athimĩĩte rũcuĩrĩ na ndahĩtie.