Leviticus 10:12 — Compare Translations

Kikuyu (Kĩrĩkanĩro Gĩa Gĩkũyũ)

Naake Musa akĩĩra Harũni, na aariũ aake Eleazaru na Ithamaru arĩa maatigarĩĩte atĩrĩ, “Oyai mũtu ũrĩa ũtigarĩĩte wa igongoona rĩu rĩa mũtu rĩrĩa rĩrutĩirwo MWATHANI na ũndũ wa gũcinwo, mũthondeke mĩgate ĩtarĩ mĩĩkĩre ndaawa ya kũimbia, mũmĩrĩĩre hakuhĩ na kĩgongoona, nĩ ũndũ mĩgate ĩyo nĩ mĩtheru mũno.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Ningĩ Musa akĩĩra Harũni na ariũ ake arĩa maatigaire, nĩo Eleazaru na Ithamaru, atĩrĩ, “Oyai iruta rĩu rĩa mũtu rĩatigarĩte kuuma harĩ maruta marĩa maarutĩirwo Jehova ma gũcinwo na mwaki, mũrĩrĩe rĩthondeketwo rĩtarĩ na ndawa ya kũimbia, mũrĩĩre hau mwena-inĩ wa kĩgongona, nĩ ũndũ nĩ iruta rĩtheru mũno makĩria.

Kikuyu Bible (IBUKU RĨRĨA ITHERU RĨA NGAI)

Nake Musa akĩarĩria Haruni, me na Eleazaru na Ithamaru, ariũ ake arĩa maatigarĩte, akĩmera atĩrĩ, Oyai mũtu wa ihaki ũrĩa ũtigarĩte magongona-inĩ ma Jehova ma gũcinwo na mwaki, mũũrĩĩre hakuhĩ na kĩgongona, ũtarĩ mũimbie; nĩ gũkorũo nĩ mwamũre mũno mũno;

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Naake Musa akĩĩra Harũni, na aariũ aake Eleazaru na Ithamaru arĩa maatigarĩĩte atĩrĩ, “Oyai mũtu ũrĩa ũtigarĩĩte wa igongoona rĩu rĩa mũtu rĩrĩa rĩrutĩirwo MWATHANI na ũndũ wa gũcinwo, mũthondeke mĩgate ĩtarĩ mĩĩkĩre ndaawa ya kũimbia, mũmĩrĩĩre hakuhĩ na kĩgongoona, nĩ ũndũ mĩgate ĩyo nĩ mĩtheru mũno.