Leviticus 12:4 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
Agacooka agaikara matukũ mangĩ mĩrongo ĩtatũ na matatũ nĩguo athirwo nĩ thaahu wa thakame yake ĩrĩa yurĩĩte. Ndaagĩrĩirwo nĩkũhuutia kĩndũ o gĩothe kĩamũre o na kana gũtoonya Hemainĩ ĩrĩa nyamũre o nginya rĩrĩa ihinda rĩake rĩa gũtherio rĩkaarĩĩka.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
Nake mũndũ-wa-nja ũcio no nginya eterere mĩthenya mĩrongo ĩtatũ na ĩtatũ nĩguo atherio thaahu wa kuura thakame. Ndakanahutie kĩndũ kĩamũre kana atoonye handũ-harĩa-haamũre o nginya matukũ ma gũtherio gwake mathire.
Kikuyu Bible (IBUKU RĨRĨA ITHERU RĨA NGAI)
Ningĩ mũtumia ũcio acoke aikare matukũ mangĩ mĩrongo ĩtatũ na matatũ nĩguo athirũo nĩ thahu wa thakame yake, athere; na ihinda-inĩ rĩu ndakanahutie kĩndũ kĩamũre, kana atonye handũ harĩa haamũre, o nginya rĩrĩa matukũ make ma gũtherio makahinga.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
Agacooka agaikara matukũ mangĩ mĩrongo ĩtatũ na matatũ nĩguo athirwo nĩ thaahu wa thakame yake ĩrĩa yurĩĩte. Ndaagĩrĩirwo nĩkũhuutia kĩndũ o gĩothe kĩamũre o na kana gũtoonya Hemainĩ ĩrĩa nyamũre o nginya rĩrĩa ihinda rĩake rĩa gũtherio rĩkaarĩĩka.