Leviticus 12:6 — Compare Translations

Kikuyu (Kĩrĩkanĩro Gĩa Gĩkũyũ)

“Rĩrĩa ihinda rĩake rĩa gũtherio rĩgaakorwo rĩrĩĩkĩĩte, rĩrĩ rĩa kahĩĩ kana rĩa kairĩĩtu, agaatwarĩra mũthĩnjĩri Ngai hau mũromoinĩ wa Hema ya gũtũnganwo ndũrũme ya mwaka ũmwe ĩtuĩke ya igongoona rĩa njino, na ndirahũgĩ kana ndutuura ĩtuĩke ya igongoona rĩa meehia.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

“ ‘Hĩndĩ ĩrĩa matukũ make ma gũtherio, marĩ ma kahĩĩ kana ma kairĩtu, makahinga-rĩ, nĩakarehera mũthĩnjĩri-Ngai gatũrũme ka mwaka ũmwe hau itoonyero-inĩ rĩa Hema-ya-Gũtũnganwo, karĩ iruta rĩa njino, na atware gatutura kana ndirahũgĩ ya iruta rĩa kũhoroherio mehia.

Kikuyu Bible (IBUKU RĨRĨA ITHERU RĨA NGAI)

Na hĩndĩ ĩrĩa matukũ make ma gũtherio makahinga, ma kahĩĩ, kana ma kairĩtu, agagĩtwara gatũrũme ka mwaka ũmwe, gagatuĩke ihaki rĩa njino, na ndutura ĩtarĩ ngũrũ, kana ndirahũgĩ, ĩtuĩke igongona rĩa mehia, acitware mũromo-inĩ wa hema-ya-gũtũnganwo, harĩ mũthĩnjĩri-Ngai;

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

“Rĩrĩa ihinda rĩake rĩa gũtherio rĩgaakorwo rĩrĩĩkĩĩte, rĩrĩ rĩa kahĩĩ kana rĩa kairĩĩtu, agaatwarĩra mũthĩnjĩri Ngai hau mũromoinĩ wa Hema ya gũtũnganwo ndũrũme ya mwaka ũmwe ĩtuĩke ya igongoona rĩa njino, na ndirahũgĩ kana ndutuura ĩtuĩke ya igongoona rĩa meehia.