Leviticus 14:13 — Compare Translations

Kikuyu (Kĩrĩkanĩro Gĩa Gĩkũyũ)

Mũthĩnjĩri Ngai arĩthĩnjagĩra ndũrũme ĩyo handũ haamũre harĩa nyamũ cia magongoona ma meehia na ma njino ithĩnjagĩrwo. No nginya eekage ũguo nĩ ũndũ igongoona rĩa kũrĩhĩra meehia, o ta igongoona rĩa meehia, rĩkoragwo rĩrĩ rĩa mũthĩnjĩri Ngai, na nĩ rĩtheru mũno.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Nĩagathĩnjĩra gatũrũme kau handũ harĩa hatheru, harĩa iruta rĩa kũhoroherio mehia na iruta rĩa njino ithĩnjagĩrwo. O ta ũrĩa iruta rĩa kũhoroherio mehia rĩrĩ rĩa mũthĩnjĩri-Ngai-rĩ, no taguo iruta rĩa mahĩtia rĩrĩ rĩake, rĩu nĩ iruta itheru mũno makĩria.

Kikuyu Bible (IBUKU RĨRĨA ITHERU RĨA NGAI)

ningĩ athĩnjĩre gatũrũme kau harĩa mathĩnjagĩra igongona rĩa mehia na ihaki rĩa njino, nja ya handũ hau haamũre; nĩ gũkorũo o ta ũrĩa kĩndũ kĩrĩa kĩrutĩtwo gĩtuĩke igongona rĩa mehia gĩĩ kĩa mũthĩnjĩri-Ngai-rĩ, ũguo noguo kĩu kĩa igongona rĩa mahĩtia gĩĩ gĩake; kĩu nĩ kĩamũre mũno mũno.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Mũthĩnjĩri Ngai arĩthĩnjagĩra ndũrũme ĩyo handũ haamũre harĩa nyamũ cia magongoona ma meehia na ma njino ithĩnjagĩrwo. No nginya eekage ũguo nĩ ũndũ igongoona rĩa kũrĩhĩra meehia, o ta igongoona rĩa meehia, rĩkoragwo rĩrĩ rĩa mũthĩnjĩri Ngai, na nĩ rĩtheru mũno.