Leviticus 20:17 — Compare Translations

Kikuyu (Kĩrĩkanĩro Gĩa Gĩkũyũ)

“Mũndũ mũrũme ũrĩa ũrĩhikagia mwarĩ wa nyina, kana mwarĩ wa ithe, nĩarĩkoragwo eekĩĩte gĩĩko gĩa gĩconoko. O eerĩ marĩingatagwo kuuma mũingĩinĩ, andũ arĩa marĩ ndĩra nao meroreire. Mũndũ mũrũme ũcio nĩwe mwene ũrĩcookagĩrĩrwo nĩ waganu ũcio wake, tondũ nĩakomeete na mwarĩ wa nyina.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

“ ‘Mũndũ mũrũme angĩhikia mwarĩ wa ithe, arĩ mwarĩ wa ithe kana wa nyina, na makomanie, icio nĩ njono. No nginya maingatwo mehere kuuma kũrĩ andũ ao. Nĩaconorithĩtie mwarĩ wa ithe. Na nĩagacookererwo nĩ ũũru ũcio ekĩte.

Kikuyu Bible (IBUKU RĨRĨA ITHERU RĨA NGAI)

Na rĩrĩ, mũndũ angĩgathiĩ na mwarĩ wa ithe, kana mwarĩ wa nyina, nao monane njaga-rĩ, ũndũ ũcio nĩ wa gũconorithania mũno; acio nĩ kũingatwo makaingatwo, ciana cia andũ ao irĩ ho ikĩonaga; mũndũ ũcio nĩaguũrĩtie mwarĩ wa nyina kana wa ithe nguo na nĩagacokererũo nĩ waganu ũcio wake we mwene.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

“Mũndũ mũrũme ũrĩa ũrĩhikagia mwarĩ wa nyina, kana mwarĩ wa ithe, nĩarĩkoragwo eekĩĩte gĩĩko gĩa gĩconoko. O eerĩ marĩingatagwo kuuma mũingĩinĩ, andũ arĩa marĩ ndĩra nao meroreire. Mũndũ mũrũme ũcio nĩwe mwene ũrĩcookagĩrĩrwo nĩ waganu ũcio wake, tondũ nĩakomeete na mwarĩ wa nyina.