Leviticus 6:18 — Compare Translations

Kikuyu (Kĩrĩkanĩro Gĩa Gĩkũyũ)

Mũndũ mũrũme o wothe thĩinĩ wa njiarwa cia Harũni, no akĩrĩe kĩrĩ gĩcunjĩ kĩao kĩrĩa maagĩrĩirwo nĩkũheagwo mahinda moothe kĩumĩĩte igongoonainĩ rĩrĩa rĩrutĩirwo MWATHANI na ũndũ wa gũcinwo. Mũndũ ũngĩ o wothe ũrĩa ũkaahuutia igongoona rĩu nĩagaatuĩka mũtheru.”

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Mũndũ mũrũme o wothe wa rũciaro rwa Harũni no aũrĩe. Nĩ gĩcunjĩ gĩake kĩa hĩndĩ ciothe kĩa maruta marĩa marĩcinagĩrwo Jehova na mwaki harĩ njiarwa iria igooka. Kĩrĩa gĩothe gĩkaahutia maruta macio nĩgĩgatuĩka gĩtheru.’ ”

Kikuyu Bible (IBUKU RĨRĨA ITHERU RĨA NGAI)

Mũndũ mũrũme o wothe thĩinĩ wa ariũ a Haruni nĩagakĩrĩaga gĩtuĩke gĩcunjĩ kĩanyu kĩrĩa mwagĩrĩirũo nĩ kũheagwo tene na tene njiaro-inĩ cianyu ciothe, kiumĩte mahaki-inĩ ma Jehova ma gũcinwo na mwaki marĩa arutĩirũo; matigari macio-rĩ, mũndũ o wothe ũrĩa ũkamahutia nĩagatuĩka mwamũre.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

“Mũthenya ũrĩa mũndũ mũrũme wa mbarĩ ya Harũni agaitĩrĩrio maguta aamũrwo atuĩke mũthĩnjĩri Ngai-rĩ, nĩakarutĩra MWATHANI igongoona rĩa kiro ĩmwe ya mũtu (o ta mũigana wa igongoona rĩa mũtu rĩrĩa rĩrutagwo mũthenya o mũthenya), nuthu ĩmwe yaguo arute rũũciinĩ, nayo ĩyo ĩngĩ arute hwaĩinĩ.