Leviticus 6:9 — Compare Translations

Kikuyu (Kĩrĩkanĩro Gĩa Gĩkũyũ)

“Atha Harũni na aariũ aake ũmeere atĩrĩ: Ũyũ nĩguo watho wĩgiĩ igongoona rĩa njino. Rĩrĩraaraga rĩkĩhĩa kĩgongoonainĩ igũrũ o nginya rũũciinĩ, naguo mwaki wa kĩgongoona ũkaraara ũgĩakana.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

“Atha Harũni na ariũ ake, ũmeere ũũ: ‘Ĩno nĩyo mĩtabarĩre ya iruta rĩa njino: Iruta rĩa njino rĩrĩraaraga riiko hau kĩgongona-inĩ igũrũ ũtukũ wothe o nginya rũciinĩ, naguo mwaki ũikare ũgĩakanaga hau kĩgongona-inĩ.

Kikuyu Bible (IBUKU RĨRĨA ITHERU RĨA NGAI)

Atha Haruni na ariũ ake, ũmere atĩrĩ, Watho wa ihaki rĩa njino nĩguo ũyũ: ihaki rĩu rĩa njino rĩrĩraaraga riiko rĩkĩhĩa rĩrĩ kĩgongona-inĩ igũrũ o nginya rũcinĩ; naguo mwaki ũcio wa kĩgongona ũraarage o ũgĩakana ho.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Naake mũthĩnjĩri Ngai, ehumbĩĩte nguo yake ya gataani na thuruarĩ yake ya gataani, akooya mũhu wa nyamũ ĩyo ĩraire ĩkĩhĩa kĩgongoonainĩ igũrũ, akaũiga mwenainĩ wa kĩgongoona.