Luke 6:48 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
Ahaana ta mũndũ ũrĩa agĩaka nyũmba aambire kwenja thĩ, agĩaka mũthingi wayo ũrĩ wa ihiga. Na rĩĩrĩ, rĩrĩa rũũĩ rwaiyũrire, maaĩ makĩgũtha nyũmba ĩyo na hinya, no matiamĩenyenyirie, tondũ yarĩ njake wega.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
Ahaana ta mũndũ waakaga nyũmba, ũrĩa wenjire mũthingi, akĩũrikia na akĩwamba igũrũ rĩa ihiga. Hĩndĩ ĩrĩa kwagĩire mũiyũro wa maaĩ, kĩguũ gĩkĩgũtha nyũmba ĩyo na nditi, no gĩtiamĩenyenyirie, tondũ nĩyaakĩtwo wega.
Kikuyu Bible (IBUKU RĨRĨA ITHERU RĨA NGAI)
ahaanaine na mũndũ ũrĩa waakaga nyũmba, akenja thĩ, akarikia mũkaro mũno, agacoka agaaka gĩtina kĩayo igũrũ rĩa rũnyanjara: na rĩrĩa kwagĩire kĩguũ, maĩ makĩo magĩtherera makĩhũra nyũmba ĩo na nditi, makĩremwo nĩ kũmĩenyenyia, nĩ ũndũ nĩyaakĩtwo wega ma.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
Ahaana ta mũndũ ũrĩa agĩaka nyũmba aambire kwenja thĩ, agĩaka mũthingi wayo ũrĩ wa ihiga. Na rĩĩrĩ, rĩrĩa rũũĩ rwaiyũrire, maaĩ makĩgũtha nyũmba ĩyo na hinya, no matiamĩenyenyirie, tondũ yarĩ njake wega.