Malachi 2:2 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
No mũhaka muonanagie na ciĩko cianyu atĩ nĩmũheete gĩtĩĩo. Mũngĩaga kũnjigua, nĩngũmũreehithĩria kĩrumi. Ningĩ nĩngũtũma indo iria mũheagwo cia gwĩteithia, inyiitwo nĩ kĩrumi. Ti itheru, o na rĩu ndũmĩĩte inyiitwo nĩkĩo nĩ ũndũ mũtiathĩkagĩra maathani maakwa na kĩyo.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
Jehova Mwene-Hinya-Wothe ekuuga atĩrĩ, “Mũngĩaga gũũthikĩrĩria na mwage gũtua itua na ngoro cianyu gũtĩĩa rĩĩtwa rĩakwa-rĩ, niĩ nĩngamũtũmĩra kĩrumi o na irathimo iria ndĩmũrathimaga nacio ndĩcirume. Ĩĩ, o na rĩu nĩndĩcirumĩte, tondũ mũtituĩte itua na ngoro cianyu kũndĩĩa.
Kikuyu Bible (IBUKU RĨRĨA ITHERU RĨA NGAI)
Jehova Mũnene wa Ita ekũmwĩra atĩrĩ, Mũngĩrega kũnjigua, na mwage gwĩcũrania rĩathani rĩrĩ na ngoro cianyu, nĩguo mũgoocithagie rĩĩtwa rĩakwa, nĩngamũrehithĩrie kĩrumi mũgwatwo nĩkĩo, o nacio irathimo cianyu iria mũrathimanaga nacio ndĩcigeke; ĩĩ, ti-itherũ o na rĩu nĩndĩkĩtie gũcigeka, nĩ ũndũ nĩmũregete gwĩcũrania rĩathani rĩu rĩakwa na ngoro cianyu.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
No mũhaka muonanagie na ciĩko cianyu atĩ nĩmũheete gĩtĩĩo. Mũngĩaga kũnjigua, nĩngũmũreehithĩria kĩrumi. Ningĩ nĩngũtũma indo iria mũheagwo cia gwĩteithia, inyiitwo nĩ kĩrumi. Ti itheru, o na rĩu ndũmĩĩte inyiitwo nĩkĩo nĩ ũndũ mũtiathĩkagĩra maathani maakwa na kĩyo.