Mark 12:1 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
Thuutha ũcio Jesũ akĩmaarĩria na ngerekano akĩmeera atĩrĩ, “Hĩndĩ ĩmwe nĩkwarĩ mũndũ wahandire Thabibũ mũgũndainĩ wake. Agĩcooka akĩũirigĩra, akĩenja irima rĩa kũhihĩra, agĩcooka agĩaka nyũmba ya arangĩri. Naake akĩũkomborithia, agĩthiĩ bũrũri ũngĩ.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
Nake akĩambĩrĩria kũmahe ũhoro na ngerekano, akĩmeera atĩrĩ, “Mũndũ ũmwe nĩahaandire mũgũnda wake mĩthabibũ. Agĩaka rũgiri rũgĩthiũrũrũkĩria mũgũnda ũcio, na akĩenja irima rĩa kũhihĩra thabibũ, na agĩaka nyũmba ndaaya na igũrũ ya arangĩri. Agĩcooka agĩkomborithia mũgũnda ũcio kũrĩ arĩmi angĩ, na agĩthiĩ rũgendo.
Kikuyu Bible (IBUKU RĨRĨA ITHERU RĨA NGAI)
AGĨITĨKA kũmahe ũhoro na ngerekano. Atĩ mũndũ mũna nĩaahandire mũgũnda wa mĩthabibu, akĩũiriga, akĩenja irima rĩa ihihĩro rĩa thabibu, na agĩaka rũtara, akĩũkomborithia arĩmi, agĩthiĩ bũrũri ũngĩ.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
Thuutha ũcio Jesũ akĩmaarĩria na ngerekano akĩmeera atĩrĩ, “Hĩndĩ ĩmwe nĩkwarĩ mũndũ wahandire Thabibũ mũgũndainĩ wake. Agĩcooka akĩũirigĩra, akĩenja irima rĩa kũhihĩra, agĩcooka agĩaka nyũmba ya arangĩri. Naake akĩũkomborithia, agĩthiĩ bũrũri ũngĩ.